Heemaal News Network
Soomaaliya

Alshabaab Oo Dib Ula Wareegtay Toratoorow

Wararka ka imaanaya deegaanka Tooratoorow ayaa sheegaya in dagaalamayaal ka tirsan Al-Shabaab ay dib u qabsadeen deegaankaasi Deegaanka Tooratoorow ee gobolka Shabeellada Hoose.

Gacanku haynta degaanka Tooratoorow ayaa waxaa ku loolamaya ciidamada dowladda Soomaaliya iyo Al-Shabaab, iyadoona cabsi ay xiligan soo wajahday dadka deegaanka.

Shalay gelinkii hore ayaa ciidamo ka tirsan kuwa Dowladda Soomaaliya gaar ahaan kuwa sida gaarka ah u tababaran ee DANAB waxaa ay la wareegeen deegaanka Tooratoorow, halkaasi oo saldhig wayen uu u ahaa Al-Shabaab.

Dhanka kale Warbaahinta ku hadasha afka Al-Shabaab ayaa sheegay in Al-Shabaab ay dib ula wareegeen deegaanka Tooratoorow.

Majirto weli wax war ah oo kasoo baxay saraakiisha ciidamada Dowladda ee ku sugan gobolka Shabeellada Hoose.

This website uses cookies to improve your experience. We'll assume you're ok with this, but you can opt-out if you wish. Accept Read More