Heemaal News Network

Amiir Turki al-Faysal-ka Sacuudiga Oo Weerar Afka ah ku Qaaday Israel.

Amiir caan ah oo u dhashay Sacuudiga ayaa Axaddii si kulul u dhalleeceeyay Israel intii lagu guda jiray shirka amniga ee Bahrain oo uu qaab fogaan arag ah uga qayb galay wasiirka arrimaha dibedda ee Israel.

Tani ayaa muujinaysa caqabadaha heshiis kasta oo dhexmara dowladaha Carabta iyo Israel, iyadoo ay meesha ka maqan tahay dowlad madax banaan oo Falastiiniyiintu leeyihiin.

Hadalkan kulul ee uu Amiir Turki al-Faysal ka jeediyay shirka Wadahadalka Manama ayaa u muuqday mid kadis ku ah Wasiirka Arimaha Dibada Israel, gaar ahaan xilligan oo Israa’iiliyiintu ay soo dhaweyn diiran kala kulmayaan mas’uuliyiinta dalalka Bahrein iyo Imaaraatka Carabta, kadib heshiisyo ay ku hagaajiyeen xiriirkooda.

Si kastaba, arrinta aan heshiisyadaasi lagu xallin ayaa ah khilaafka tobannaan sano u dhexeeya Israel iyo Falastiiniyiinta. Falastiiniyiinta waxa ay u arkaan heshiisyadaasi mindi ay walaalohood Carbeed dhabarka kaga dhufteen iyo khiyaano lagu sameeyay qaddiyaddooda.

Amiir Turki ayaa hadalkiisa ku furay isbarbar dhiga waxa uu ku tilmaamay aragtida Israel ee ah in ay yihiin “kuwa nabadda jecel oo ilaaliya mabaadi’da sare ee akhlaaqda” iyo waxa uu ku tilmaamay xaqiiqada fog ee mugdiga ah ee ay Falastiin ku hoos nool yihiin waxa uu ugu yeeray “gumaysiga reer galbeedka”.

Israel waxa ay “ku xirtay (Falastiiniyiinta) xerooyin go’doonsan iyadoo lagu haysto eedo amniga oo aan jirin – dhalinyaro iyo waayeel, haween iyo rag, kuwaasoo halkaas ku qurmaya iyagoo aan helin caddaalad,” ayuu yiri Amiir Turki.

“Waxa ay u duminayaan guryaha sida ay doonaan wayna khaarajinayaan cidda ay doonaan,” ayuu yiri.

Amiirka ayaa ku celiyey mowqifka rasmiga ah ee boqortooyada Sacuudiga ee ah in xalka uu ku jiro hirgelinta Hindisaha Nabada ee Carabta ee sanadkii 2002-dii, hindisahaasi oo Sacuudigu maal-geliyay, islamarkaana ugu baaqayay Israel in ay xiriir buuxa la yeelato dhamaan dowladaha carabta, taa bedelkeedana la yagleelo dowladda Falastiin oo ka talisa dhulka ay Israel ku qabsatay dagaalkii 1967-kii.

Related posts

Jabuuti Oo soo Saartay War ay ku Taageerayso Dawlada Itoobiya Ee Dagaalka kula Jirta TPLF.

Heemaall

Madaxweyne Biixi Oo Baaq U Diray Dowladda Somaliya iyo Midowga Musharaxiinta.

Heemaall

Dagaal Qaraxyo ku Bilowday Oo ka Dhacay Garoonka Diyaaradaha Magalada Cadan

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More