Heemaal News Network
somali

Beesha Reer Awkhudub Oo Raali Galin Ugu Tagtay Xassan Sheekh

Odayaasha dhaqanka beesha reer Awqudub ee Sheekhaal ayaa raali-gallin iyo xaal-siin ugu tegay Madaxweynihii hore Soomaaliya Xasan Sheekh Maxamuud, oo la sheegay inuu dhibsaday hadal dhawaan ka soo yeeray Abwaan ka dhashay beeshaas.

Kulanka ka dhacay hoyga Madaxweyne Xasan Sheekh uu ka deganyahay ayey odoyaasha dhaqanka beesha reer Awqudub uga raali-geliyeen hadal dhowaan uu warbaahinta ka sheegay Abwaan Bedel Kulmiye Xirsi oo ku beel ah.

Odayaasha ayaa Xasan Sheekh saaray cimaamad, sidoo kalena ku sharfay kitaab Musxaf ah, waxaana la sheegay in madaxweyne Xasan Sheekh uu aqbalay raali gelintaas uga timid Odayaasha dhaqanka beesha reer Awqudub ee Sheekhaal

Abwaan Bedel oo bilaawgii todobaadkan ka hadlayay munaasabad lagu taageerayay madaxweyne Farmaajo ayaa hadallo aan munaasab aheyn ku weeraray Xasan Sheekh iyo musharaxiinta kale ee mucaaradka ah, isagoo taageero u muujinayey madaxweyne Maxamed Cabdullahi Farmaajo.

Abwaanka oo ka sheekeynayey xilligii uu socday ololihii doorashada Madaxweyne Farmaajo ayaa sheegay in markaas oo taageersanaa Sheekh Shariif, balse markii dambe uu u wareegsaday dhanka Farmaajo.

Xasan Sheekh ayuu ku eedeeyey inuu isku jimeeyey doorashadii xilligaas, balse sidii uu rabay aysan u suurta gelin, sida uu hadalka u dhigay.

Related posts

Xukuumada Dhexe Ee Itoobiya Oo Baaq U Dirtay Soomaalida Iyo Canfarta

Heemaal

“Dad Gaaraya 64 Qof Oo ku Dhintay Somaliland Mudo 10 Cisho Markaa Guryaha ku Tukada” Wasiirka Diinta

Heemaall

Muqdisho: Qof Isku Qarxiyey Makhaayad Shaah

Heemaal