Heemaal News Network

Biden Oo ku Dhawaaqay Inuu Joojiyay Taageerradiisii Dagaalka Yemen

Madaxweyne Biden ayaa sheegay in Maraykanka soo afjarayo taageerada uu siiyo xulafada Sacuudiga ee dagaalka ka wada Yemen, colaaddaas oo gashay sanadkii lixaad ayna ku dhinteen sida la rumaysan yahay dad ka badan 110,000 oo qof.

“Waa in la soo afjaro colaadda Yemen,” ayuu yiri Madaxweyne Joe Biden oo jeediyay khudbaddiisii ugu horreysay ee ku aaddan siyaasadda arimaha dibedda ee maamulkiisa.

Dagaalka u dhexeeya dowladda taagta daran ee Yemen iyo jabhadda Xuutiyiinta ayaa bilowday 2014, waxaana uu sii xoogeystay sanad kadib markii ay xukuumadda gacan ka heshay xulafo 9 dal oo Carab ah, uuna hogaaminayo Sacuudiga.

Labadii Madaxweyne ee xukunka uga horreeyay Biden ayaa taageero u fidin jiray hawlgalka uu Sacuudiga horkacayo ee ka dhanka ah xooggaga Xuutiyiinta Yemen.

Colaaddaas ayaa horseeday in malaayiin shacabka waddankaas ah ay qarka u saaran yihiin inay gaajo u dhintaan.

Related posts

Ra’isul Wasaare kuxigeenka Oo Lagu soo Dhaweeyay Garawe.(Sawiro)

Heemaall

Afhayeenka Wadani Oo Ka Warbixiyay Shirkii Hogaanka Fulinta Ee Xisbigaasi Yeeshay.

Heemaall

Fanaan Kale Oo Maanta Covid 19 Ugu Dhimatay Muqdisho.

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More