Heemaal News Network
Soomaaliya

Ciidamada Danab Oo Howlgal Qorsheesan kula Wareegay Deegaanka Shaam.

Ciidamada milatariga Soomaaliya gaar ahaan kuwa Danab ayaa saakay howlgal qorsheesan ka fuliyay Deegaanka Shaam oo kuyaala inta u dhaxeysa Degmada Owdheegle iyo Deegaanka Bariire.

Taliyaha Ciidamada Dhulka General Odowaa ayaa Warbaahinta u sheegay in howlgalka qorsheesan ay ciidamada ka fuliyeen deegaanka Shaam ay khasaaro xoogan gaarsiiyeen dagaalyahano katirsan Al Shabaab, islamarkaana ay gacan ku haynta degaankaasi la wareegeen.

“Waxaan Howlgal Qorsheysan ku qaadnay deegaanka Shaam ee dhaca galbeedka inta u dhaxeysa Bariire iyo Awdheegle waxaana jab xoogan ugu geysannay Maleeshiyaadka Al-Shabaab oo iyagu u bareera had iyo jeer daadinta dhiigga iyo dhacca xoolaha shacabka soomaaliyeed, annagoo la wareegnay gacan kuheynta deegaankaas.”

Ciidamada kumaandooska Soomaaliya ayaa dhawaan Al Shabaab kala wareegay degmada Owdheegle, waxa ayna ciidamada wadaan howlgalo ay ku doonayaan in Al Shabaab uga saaraan deegaano iyo Degmooyin kale oo katirsan gobolka Shabeelaha Hoose.

This website uses cookies to improve your experience. We'll assume you're ok with this, but you can opt-out if you wish. Accept Read More