Heemaal News Network
somali

Dawlada Jabuuti Oo si Adag U Beenisay Warar Laga Baahiyay Madaxwayne Geele.

Saacadihii la soo dhaafay ayaa waxaa Baraha Bulshada lagu faafinayay in u xanuun soo wajahay Madaxwenaha dalka Jabuuti Ismaaciil Cumar Geelle, hayeeshee waxaa beenisay Warkaas Wasaaradda Arrimaha dibadda Jabuuti.

Qoraal uu bartiisa twitter-ka ku baahiyay Wasiirka Wasaaradda Arrimaha Dibadda ee dalka Jabuuti Mahamoud Ali Youssouf, ayaa wuxuu ku beeniyay wararka sheegaya in xaaladda caafimaad ee madaxweyne Ismaaciil Cumar Geelle ay liidato.

“Madaxweyne Ismaaciil Cumar Geelle wuu fiican yahay. Dhammaan wararka ku saabsan xaaladdiisa caafimaad waa kuwo xaqiiqda ka fog.” Ayuu ku yiri qoraalkiisa.

Waxa uu sidoo kale sheegay in madaxweynaha lagu samaynayo baaritaan caafimaad “sababtuna ay tahay nasasho la’aan maadaama uusan dalka ka bixin xagaagii oo dhan.”

“Madaxweyne Geelle wuxuu shaqadiisa ku soo laabanayaa maalmo gudahood, mana jiro walwal gaar ah oo la qabo” Ayuu wasiirka raaciyay.

Baraha bulshada ayaa tan iyo shalay waxa la isla dhex qaadayay warar sheegaya in xaaladda caafimaad ee madaxweynuhu ay liidato oo lagu dabiibayo isbitaal ku yaala magaalada Paris.

Related posts

Khasooro ka Dhashay Weerarkii Al-shabaab ku Qaadeen Xerada Wisil Ee Galmudug.

Heemaall

Isbadal ku Yimid Muuqaalka Kim Jong Un Oo Walaac Laga Muujiyay.(Sawirro)

Heemaall

Guddiga Doorashada Ee Somaliland Oo Muqdisho ku Doortay Shir-gudoon

Heemaall