Dibad-baxyo ka Dhan ah Ciidamada Kenya Oo Maanta ka Dhacay Magalada Ceelwaaq.

Shacab ka careysan dilal ay geysteen ciidamada Kenya ayaa saaka ka dhacay degmada Ceelwaaq ee gobolka Gedo sida ay sheegayaan wararka halkaas naga soo gaaraya.

Dibed baxa ayaa ka dhashay fal Ciidanka Kenya ay ku weerareen qoys degganaa duleedka Ceelwaaq, halkaasoo ay ku dileen Wiil qoyska ka mid ahaa, iyagoo nolosha ku watay seddex kale oo dhaawacyo qabay, kuwaasoo markii dambe ay dileen kadibna ay god ku rideen.

Shacabka caraysan oo u badan Carruur, haween iyo dhallinyaro ayaa waxay ku hor banaan-baxayaan xerada Ciidanka Kenya ku leeyihiin Ceel-waaq.

Waxay ku dhawaaqayaan ereyo ay uga soo horjeedaan ciidamada Kenya oo halkaas ku sugan oo ay ku eedeeynayaan iney xasuuq ku hayaan dadka degaanka.

“Uma dulqaadaneyno xasuuqa ay nagu hayaan ciidamada Kenya, dowlada Somalia waxaan ugu baaqeynaa iney wax ka qabato, hadii aysan awood u laheyna waxaan diyaar u nahay inaan qoryaha qaadano oo iska celino” ayey tiri haweeney ka tirsaneyd banaanbaxayaasha oo shucuurteedu aad u kacsaneyd.

Qaar ka mid ah Xildhibaanada golaha shacabka Baarlamaanka Soomaaliya oo shalay shir jaraa’id ku qabtay magaalada Muqdisho ayaa si adag uga hadlay falkan ay ku kaceen ciidamada Kenya.

Saraakiil ka tirsan AMISOM ayaa iyana sheegay in ciidamada falkaas ku kacay aysan ka tirsan kuwa AMISOM ka dib baaritaan ay sameeyeen, welina dowladaha Kenya iyo Somalia midkoodna kama hadlin dhacdadan.

Related posts

Yahuudda Masar Oo Laga Mamnuucay Dabbaaldegyada Munaasibadaha Diiniga.

Heemaall

Xus Loogu Ducaynayay Dadkii Lagu Xasuuqay Qaraxii Zoobe Oo Lagu Qabtay Muqdisho.(Sawiro)

Heemaall

Xukuumada Biixi Oo Markii Ugu Horaysay ka Hadashay Dil Iyo Kufsi Burco Loogu Gaystay Hooyo Ugbad.

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy