Heemaal News Network
somali

Dilaa Caruurta Uu ka Afduubto Nairobi Dhiiga ka Dhuuqi-jiray Oo Lagu Xiray Kenya.(Sawiro)

Booliska Kenya ayaa ku guulaystay inay gacanta kusoo dhigaan nin 20 sano jir kaasoo lagu tuhunsanyahay inuu dilay ugu yaraan 10 carruur ah.

Ninkan ayaa qirtay inuu 10 caruur ah ku fuliyay falal iskugu jira kufsi iyo dil, ayaa magaciisa lagu sheegay Masten Milimu Wanjala, kaasoo saraakiisha booliska u sheegay in meelo kala duwan uu geeyay meydadka caruurtii uu dilay.

Waaxda dambi baarista ayaa barta twitter-ka ku daabacday warbixin ku saabsan ninkan iyo sida uu u fulinayay dilalka naxariis darrada ee carruurta, isagoo la sheegay inuu caruurta ku khiyaami jiray ciyaar kadibna afduuban jiray.

Qoraalka booliska ayaa lagu yiri: “Dad-cunkan ayaa waday dil joogto ah oo uu ku bartilmameedsanayay carruurta ay da’dooda u dhexeyso 12 iyo13 sano. Wuxuu masuul ka ahaa afduubyada magaalada ruxay dhowaanahan”.

Booliska dembi-barista ah ee Kenya, ayaa sheegay in habka uu dilalka u sameyn jiray ninkan ay tahay mid naxdin leh, isagoo qirtay inuu ceenjinayay carruurta islamarkaana isticmaalaya sun kiimiko ah, sidoo kale silaagan ayaa sheegay inuu dhiiga ka dhuuqi jiray caruuta ka hor inta uusan dilin.

“Ninkan xun ee sida qarsoon dilaaga u ahaa, wuxuu laba wiil ka afduubtay Kitengela iyo Mlolongo. Wuxuu u dhigay shirqool dil, wuuna ceejiyay, ka dibna wuxuu maydkooda ku tuuray bullaacad. Weli maydadkooda lama helin”, ayey qoreen booliska baaraya dembiga ninkan ku eedeysan yahay.

Maydadka laba ka mid ah dhibanayaashii uu dilay ayaa laga helay deegaanka Kabete, oo ku taala agagaarka magaalada Nairobi.

Waxaa sidoo kale isla deegaankaas shalay laga soo helay mayd kale oo la sheegay in uu ka mid ahaa carruurtii uu dilay ninkan la tuhunsan yahay.

“Maydadka oo dhan way wada dhan yihiin; qaybna kama maqnayn balse maydadka wey qurmeen,” Ayuu yiri taliyaha booliska magaalada Nairobi, Augustine Nthumbi.

Waalidiinta wiilasha maydadkooda la helay waxay booliska u sheegeen in la waayey saacado ka dib markii ay ka soo laabteen iskuulka.

Mid ka mid ah waalidiinta wiilasha maydkooda la helay oo lagu magacaabo Tony Opindo ayaa sheegay in wiilkiisa uu fasalka lixaad ee iskuulka hoose ee Sagaret dhiganayay, uuna ku ciyaarayay banaanka gurigooda markii la waayay abaare 7:30 fiidnimo.

Booliska ayaa sheegay in ninkan uu falalka la xiriira dilalka in uu bilaabay asaga oo 16 sano jir ah. Xilligaas wuxuu dilka ku billaabay gabadh 12 sano jir ahayd oo ka soo dhuntay magaalada Machakos oo 54km u jirta Nairobi, caasimadda Kenya.

Booliska ayaa sidoo kale sheegay in ay weli wadaan su’aalaha ay weydiinayaan ninkan, si loo helo meelaha uu ku aasay maydadka carruurtii uu dilay.

Baarayaasha kiiskan ayaa sheegay in ninkan uu u sheegay in carruurta uu u raaci jiray xarumaha ilmaha lagu ciyaarsiiyo.

Masten Milimu Wanjala ayaa laga soo qabtay waddada Kitengela ee caasimadda Nairobi, ka dib markii baaritan la sameeyay lagu ogaaday in isla wadadaas lagu waayay laba carruur ah.

Kiisaska afduubyada la xiriira carruurta ayaa ku badanayay magaalada Nairobi ee dalka Kenya. Booliska ayaa ku guulaystay in ay soo badbaadiyaan carruur badan, balse kuwa badan oo ka mid ah waxaa la helay maydadkooda.

Booliska ayaa dhowaan sameeyay ciidamada gaar ah oo loo xil saaray ka hortaga kiisaska afduubyada ee ku soo badanaya Kenya, xilli ay waaxda dambi baarista sheegtay in arrintan ay khalkhal-gelinayso amniga guud ee dalka.

“Dilaagan oo aan ka qoomameyneynin ficilladiisa wuxuu dembi-baareyaasha u sheegay in uu aad ugu farxi jiray dilka carruurta”.

Related posts

Taliye Horkacayay Dagaalka Baladwayne Oo Beeniyay Inuu Weeraray Gudomiyaha G/Hiiraan

Heemaall

“Anigu Waxan Gudoomiye Gole ku Noqday Isbahaysi,Ma Maantuu Xaaran Noqday” Ciro Oo U Jawaabay Kulmiye

Heemaall

Akriso Magacyada Somali Badan Oo Maanta Lagu Dilay Cape Town.(Sawirro)

Heemaall