Diyaaradaha Dagaalka Ee Kenya Oo Duqeymo ka Fuliyay Gobolka Gedo.

Wararka laga helayo degmada Ceelwaaq ee Gobolka Gedo ayaa sheegaya in diyaaradaha dagaalka Kenya ayaa waxay duqeymo ka fuliyeen tuulooyin dhowr ah oo ay ku noolyihiin dad xoolo dhaqato ah.

Deegaannada la duqeeyay ayaa waxaa kamid ah Cows-qurun, Dhamase , Likooley , Garsaal iyo Xisaguur. Waxaana lasoo sheegayaa iney jiraan xoolo geel u badan oo duqeyntaas wax ku noqday.

Sida ay sheegeen dad ku sugan deegaannada la duqeeyay oo la hadlay Idaacadda Risaala ee magaalada Muqdisho, hadda xaaladda ayaa deggan, laakiin waxaa si rasmi ah loo ogeyn baaxadda khasaaraha duqeymahaas ay la’egyihiin.

Dhinaca kale, wararka laga helayo degmada Ceel-waaq ayaa sheegaya in saraakiisha Ciidamada dowladda Kenya ay isugu yeereen odoyaasha deegaanka, iyagoo doonaya iney kala hadlaan kacdoon ka dhashay dad rayid ah oo la sheegay in askarta Kenya ay dishay.

Xiisad u dhexeysa dadka deegaanka Gobolka Gedo iyo ciidamada Kenya ayaa taagneyd maalmihii lasoo dhaafay , wixii ka dembeeyay markii la helay meydka afarta qof oo ay horay ciidamada Kenya uga wateen guryahooda.

Related posts

Yahuudda Masar Oo Laga Mamnuucay Dabbaaldegyada Munaasibadaha Diiniga.

Heemaall

Xus Loogu Ducaynayay Dadkii Lagu Xasuuqay Qaraxii Zoobe Oo Lagu Qabtay Muqdisho.(Sawiro)

Heemaall

Xukuumada Biixi Oo Markii Ugu Horaysay ka Hadashay Dil Iyo Kufsi Burco Loogu Gaystay Hooyo Ugbad.

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy