Heemaal News Network

Dowlada Somaliya Oo Dalka ka Erisay Safiirka Kenya Una Yeeratay Safiirkeeda Kenya.

Xiriirka Diblumaasiyadeed ee u dhaxeeya dowladaha Soomaaliya iyo Kenya ayaa mar kale sii xumaaday, kadib markii dowlada Soomaaliya ku amartay safiirka Kenya u jooga magaalada Muqdisho in dalkiisa ku laabto.

Xoghayaha joogtada ah ee wasaaradda arrimaha dibadda dawlada Soomaaliya mudane Maxamed Cali Nuur ayaa sheegay in Soomaaliya ay dib ugu yeeratay safiirkeeda Kenya danjire Maxamuud Axmed Nuur Tarsan.

Waxa uu sidoo kale Xoghayaha Wasaarada arimaha dibadda Soomaaliya sheegay in dowlada federaalka ku wargalisay safiirka Kenya u jooga Muqdisho danjire Lucas Tumbo in uu dalkiisa wadatashi ugu laabto.

Dawlada Soomaaliya ayaa Kenya u eedeysay inay madaxweynaha Jubbaland ku cadaadinayso inuu fuliyo ajandaheeda siyaasadeed, taas oo carqaladaynaysa heshiiskii siyaasadeed ee doorashada Soomaaliya, islamarkaana ka hor imaanaysa hab dhaqanka diblomaasiyadeed ee dawladaha dariska ah.

Xoghayaha joogtada ah ee wasaaradda arrimaha dibadda danjire Maxamed Cali Nuur ayaa xusay in dawlada Soomaaliya aysan marnaba aqbali doonin fal waliba oo qaranimadeeda iyo amnigeeda dhaawacaya.

Go’aankasn kasoo baxay dowlada Soomaaliya ayaa kusoo aadaya xili shalay magaalada Kismaayo kusoo laabtay Madaxweynaha Jubbaland Axmed Madoobe oo si adag uga hor yimid sida dowlada u wado doorashada eedeyna u jeediyay Villa Soomaaliya.

Related posts

Wafti ka Socday Somaliland Oo Madaxwayne Cagjar kala Hadlay Joojinta ka Ganacsiga Duurjoogta.

Heemaall

Kheyre Oo Sheegay in Isku Dhac ka Iman-karo Khilaafka Doorashada,sida Itoobiya.

Heemaall

RW Abiy Ahmed Oo ka Hadlay Guusha Ciidamadiisu ku Qabsadeen Makelle.

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More