Heemaal News Network
somali

Faysal Cali Waraabe Oo M/Biixi ku Amaanay Go’aanka Uu ka Qaatay Doorashada Mataxtooyada.


Guddoomiyaha xisbiga mucaaradka Somaliland ee UCID Faysal Cali Waraabe, oo kasoo laabtay safar uu ku joogay waddamada Yurub, ayaa sheegay in madaxweyne Biixi uu codsaday in doorashada madaxtooyada lagu qabto wakhtigeedi, oo aan mudo kordhin loo samayn.

Faysal ayaa madaxweynaha Somaliland u hambalyeeyay isagoo sheegay in uu maqlay in madaxweyne Biixi, uu codsaday in doorashada madaxtooyada wakhtigeedi lagu qabto, wuxuuna sheegay in hadii madaxweynuhu uu doorashada wakhtigeeda ku qabto uu taariikhda Somaliland baal dahab ah ka gali doono.

“Waxaan aad iyo aad ugu faraxsanahay warar iga soo gaadhaya madaxweynaha, oo ah in madaxweynuhu diyaar u yahay in doorashadii wakhtigeedii lagu qabto, hadii doorashadii hore ee isku sidkanayd tana uu ku daro taariikhda baaldahaba ayuu ka galayaa, wuxu noqonaya madaxwaynihii ugu horeeyay ee aan codsan kordhis bilaa sharci ah, waan u hambalyaynaya” ayuu yidhi Faysal.

Sida uu ku waramay warbaahinta gudaha, madaxweynaha ayaa golaha wakiilada dib ugu celiyay xeerkii furista ururada siyaasada, taasi oo lagu fasiray in macnaheedu tahay in madaxweynuhu uu si toos ah uga howl galayo qabashada doorashada madaxtooyada.

Related posts

Burundi Oo ka Digtay in Ciidanka AMISOM Laga Saaro Somaliya.

Heemaall

Daalibaan Oo Shirkeedii Jaraa’id Ee Ugu Horeeyey kaga Hadashay Arimo Xasaasi ah Oo ka Taagan Dalkaasi.

Heemaall

In ka Badan 100 Al-Shabaab ah Oo Lagu Dilay Dagaalka Gobolka Hiiraan 72 Saac-gudahood

Heemaall