Gabadh Somaliyeed Oo Sanadkii Labaad U Sharraxan Abaal Marinta Nabada Aduunka.

lwad Elman oo ah Gabadh Soomaaliyeed oo u dhaqdhaqaaqda Nabadda ayaa markii labaad kamid noqotay dadka u sharraxan abaalmarinta nabada adduunka ee Nobel Peace Prize, sida laga soo xigtay Machadka Daraasaadka Nabadda (PRIO) ee fadhiggiisu yahay magaalada Oslo ee dalka Norway.

Ilwad oo sanadkii 2010kii ka soo wareegtay dalka Canada una soo guurtay Soomaaliya ayaa sii dhaqaajisay himilooyinkii Aabaheed Elman oo ahaa Aas-aasaha hay’adda Elman oo ah hay’ad ka shaqeysa nabadda iyo xuquuqda Aadanaha.

Ilwad waxay haatan ka mid tahay shanta qof ee ugu sarreeya ee loosoo xushay inay ku tartamaan abaal-marintan Nobel-ka.

Hay’adda Elman oo ay hadda gacanta ku heyso Ilwad ayaa ka shaqeysa siddii looga hortagi lahaa in Carruurta la Askareeyo taa badalkeedana lagu dhiiri-galiyo in ay wax bartaan, iyadoo hal ku dhigge hay’addu yahay ‘’Qoriga Dhig ee Qalinka Qaado’’ sidoo kale hay’adda ayaa ka shaqeysa ka hortaga faraxumeyta loo geysto haweenka iyadoo dhinaca kalana bixisa talooyin la xiriir dhinaca xuquuqda Aadanaha.

Waxaa ay sidoo kale Hay’addu bartaa dhalinyarrada Soomaaliyeed farsamooyinka gacanta iyadoo ay hadda jiraan kuwo badan oo ka aflaxay xarunta hay’adda iskoodna ugu shaqeysta farsamadii ay barteen.

Elman Cali Axmed oo ahaa Aas-aasihii hay’addan [Elman] ayaa lagu dilay magaalada Muqdisho sanadkii 1996dii, isaga oo ahaa shaqsi burburkii Dowladdii Dhexe ee dalka kaddib u istaagay in dib loo soo nooleeyo rajada Ubadka Soomaaliyeed oo watigaa ku dayacnaa dalka qeybihiisa kala duwan, isaga oo ku dhiiri-galin jiray in ay wax-bartaan si ay mutaqbalka u noqdaan dad iskood u shaqeysta.

Haddii ay Ilwad ku guuleysato abaalmarintan waxaa ay noqon kartaa guulweyn u soo hooyatay bulshada Soomaaliyeed, iyadoo noqoneysa qofkii ugu horeeyay ee loo xusho abaalmarintan iyadoo ka shaqeyneysa gudaha dalka Soomaaliya.

Related posts

Yahuudda Masar Oo Laga Mamnuucay Dabbaaldegyada Munaasibadaha Diiniga.

Heemaall

Xus Loogu Ducaynayay Dadkii Lagu Xasuuqay Qaraxii Zoobe Oo Lagu Qabtay Muqdisho.(Sawiro)

Heemaall

Xukuumada Biixi Oo Markii Ugu Horaysay ka Hadashay Dil Iyo Kufsi Burco Loogu Gaystay Hooyo Ugbad.

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy