Heemaal News Network
somali

Golaha Ammaanka Qaramada Midoobay Oo Kordhiyay Cunaqabataynta Hubka Ee Saaran Somaliya

Golaha Ammaanka ee Qaramada Midoobay ayaa cambaareeyay hubka qarsoodiga ah ee ay helaan AlShabaab, taasoo ay sheegeen in ay xadgudub ku tahay cunno-qabteynta hubka ee Qaramada Midoobay kusoo rogtay Soomaaliya.

Golaha ammaanku waxay u codeeyeen in muddo sannad ah lagu kordhiyo muddada xayiraadda hubka ee saaran Soomaliya, iyagoo sheegay in dhaqdhaqaaqyada xiriirka la leh Al-Qaacida ay sii wadaan inay carqaladeeyaan xasilloonida Soomaaliya.

Waxay ku booriyeen dowladda federaalka ah ee Soomaaliya inay sii waddo la shaqeynta beesha caalamka si looga hortago awoodda al-Shabaab inay abuurto dakhli loo isticmaalo ficilada argagixisanimada.

Qaraarka golaha waxaa sidoo kale walaac looga muujiyay wararka isdaba jooga ah ee ku saabsan musuqmaasuqa iyo leexsashada hantida guud ee Soomaaliya.

Golaha ammaanku wuxuu sidoo kale mamnuucay ka iibinta ama u daabulka Soomaaliya walxaha qarxa iyo Dhoofinta dhuxusha.

Bishii Janaayo 1992 Qaraarkii Golaha Amaanka ayaa cunaqabateynta hubka kusoo rogay Soomaaliya taasoo ka falcelineysay dagaalladii sokeeeye ee dalka ka socday iyo xaaladda bini’aadantinimo ee sii xumaaneysa.

Bishii Juun 2001 Qaraarkii Golaha Amaanka ee tirsigiisu ahaa 1356 ayaa oggolaaday in Soomaaliya laga dhaafo cunaqabateynta sahayda qalabka militariga ee aan wax dilin si loogu isticmaalo hawlaha bani’aadanimo.

Related posts

Dabeylo Burburiyey in ka Badan 60 Guri Oo ku Yaallay Magaalada Kismaayo

Heemaall

Erdogan Oo Taageerada Israel ku Weeraray Madaxwaynaha Maraykanka.

Heemaall

Jamacada Carabta Oo Bayaan kasoo Saartay Xiisada ka Taagan Somalia

Heemaall