Hawl-galo Lagu Dilay Hogaamiye Sare Oo ka Tirsanaa Al-shabaab Oo ka Dhacay Jubbooyinka.

Ciidamada xoogga dalka soomaaliya oo taageero ka helayo ciidamo Maraynkan ah ayaa duleedka deegaanka Araare ee Gobolka Jubbada Hoose waxaa ay ku dileen horjoogihii Al-shabaab u qaabilsanaa Jubboyinka.

Taliyaha Guutada 58 aad Ururka 11-aad, ee Ciidanka xoogga dalka G/dhaxe Cabdi Yare ayaa u sheegay Wakaalada Wararka Soomaaliyeed ee SONNA in Sarkaalkan oo magaciisa lagu soo koobay Aruuriyoow uu ku dhuumaalaysanayay deegaan ku dhow Araare.

Sarkaalkan ayaa u qaabbilsanaa kooxda nabad diidka ah ee Al-shabaab in uu lacagaha iyo xoolaha si khasab ah ugu qaado shacabka ku dhaqan degaannada Jubboyinka.

Sidoo kale ciidamada xoogga dalka Soomaaliyeed ee gobollada Jubbooyinka ayaa isla howl-galkaasi kooxda Al-shabaab uga furtay saanad ciidan iyo hub u badan qoryaha fudud.

© Heemaal News Netwok