Kenya Oo ka Hadashay Dhalinyaro Reer Mandheera ah Oo ku Biiray Al-shabaab.

Saddex dhalinyaro ah oo ka soo jeeda deegaanka Mandheera ee gobolka waqooyi bari Kenya, ayaa u tallaabay dhinaca Soomaaliya kuna biiray Al-Shabaab, sida uu shaaca ka qaaday guddoomiyaha gobolka Waqooyi Bari Nick Ndalana oo ka hadlayay kulanka amniga ku saabsan.

“Aad ayaan uga warqabnaa in seddex dhalinyaro ah oo ka kala yimid deegaanada Fino iyo Lafey ay u gudbeen Soomaaliya kuna biireen Al-Shabaab laakiin waxaan rabaa inaan u xaqiijiyo qof walba oo halkan jooga inaan xogtiisa la socono,” ayuu yiri Bari Nick Ndalana.

Mr Ndalana ayaa ugu baaqay waalidiinta inay hubiyaan inay si buuxda uga warqabaan dhaqdhaqaaqa caruurtooda, Wuxuu kula dardaarmay waalidiinta seddexda dhalinyarada ah oo uusan magacaabin inay caruurtooda ka codsadaan inay isku soo dhiibaan laamaha amaanka Kenya.

“Waalid ahaan, waxaad u baahan tihiin inaad la hadashaan dhalinyaradaas u gudubtay Soomaaliya ee ku biiray Al-shabaab, si ay dib ugu soo laabtaan gobolkooda maxaa yeelay waxaan la macaamili doonaa sida aan ula macaamilayno cadawgeenna, ”ayuu hadalkiisa ku daray.

Tan iyo sanadkii 2011 oo ahayd markii ugu horeysay oo ay ciidamada Kenya gudaha u galaan Soomaaliya, Al-shabaab ayaa kordhisay weerarada ay ka geysanayso gobolka waqooyi Bari Kenya.

Related posts

Zidan Oo Ku Goodiyey In Cinqaab Intan Ka Badan Marsiin Karayey Bacelona

Heemaal

Yahuudda Masar Oo Laga Mamnuucay Dabbaaldegyada Munaasibadaha Diiniga.

Heemaall

Xus Loogu Ducaynayay Dadkii Lagu Xasuuqay Qaraxii Zoobe Oo Lagu Qabtay Muqdisho.(Sawiro)

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy