Heemaal News Network

Khasaaro ka Dhashay Qarax Boliiska Kenya Lagu la Eegtay Xadka ay la Wadaagaan Somaliya.

Qaraxaan oo ahaa miinada nooca dhulka lagu Aaso ayaa Gaadiid ay wateen Ciidamo ka tirsan Booliska Dowladda Kenya waxaa lagula eegtay Ismaamulka Mandheera, waxaana ka dhashay khasaaro kala duwan.

Qaraxa ayaa waxaa la sheegay inay ku dhaawacmeen Shan oo ka tirsan Ciidamada Booliska Kenya, xilli ay ku socdaalayeen Ismaamulka Mandheera ee Xadka Soomaaliya & Kenya sida uu baahiyay Televeshanka GTN.

Taliyaha Booliska Gobolka Waqooyi Bari Kenya Rono Bunei ayaa sheegay in gaadiidka Ciidamada ee qaraxa lagu weeraray ay gelbinayeen Gaadiid Basas ah oo ka Shaqeeya inta u dhaxeysa Magaalada Nairobi & Ismaamulka Mandheera.

Gaadiidka qaraxa lala beegsaday ayaa marayaya inta u dhaxeysa degaannada Jabibar iyo Rhamu, waxaana Taliyaha Booliska Gobolka Waqooyi Bari Kenya uu sheegay in Shanta Sarkaal Saddex kamid ah dhaawacooda uu culus yahay.

Ciidamo gurmad ah oo ka tirsan Booliska Kenya ayaa la geeyay halka uu qaraxa ka dhacay, iyaga oo goobta ka qaaday dhaawacyada askarta,hayeeshee waxaa al sheegay inau badqabaan dadka saarnaa Gaadiidka basaska ah oo la sheegay inay Shacab yihiin.

Ilaa iyo hadda majirto cid sheegatay mas’uuliyada qaraxaas, hayeeshee waxaa inta badan weeraro iyo qaraxyo ka fuliya degaano ka tirsan Gobolka Waqooyi Bari Dagaalamayaasha Al-Shabaab oo dagaal kula jira Ciidamada Kenya.

Related posts

Midowga Yurub Oo War kasoo Saaray Ciidamada Ereteriya Ee ku Sugan Gobolka Tigreega

Heemaall

Boqorka Beelaha Gabooye Oo Mayarka Hargaysa ku Eeedeeyay Inuu Boob ku Hayo.

Heemaall

Kenya iyo UK Oo ku Heshiiyay Dagaal ka Dhan ah Al-Shabaab.(Sawiro)

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More