Heemaal News Network
somali

M/Biixi Oo Lagu Eedeyay Inuu Dano Siyaasadeed U Adeegsanayo Dhul Uu ka Qaaday Denyar.

Xukuumadda Madaxweyne Biixi ayaa la sheegay inay dhul ay deganaayeen dad- danyar ah ay kala warreegtay oo ku yaalla deegaanka Hallaya duleedka dhinaca barri ee Magaalada Hargeysa ay hadda u addeegsanayo arrimo siyaasadeed iyo danaha Xisbiga KULMIYE.

Dhulkan oo la sheegay in cahdigii Dawladii siyaad Barre uu ahaa Saaro oo markii dalka la soo gallay ay qabsadeen dadka degaankaas,haseyeeshee Xukuumadda Madaxweyne Biixi ayaa la sheegay inay ka qaaday dhulkaas.

Dhanka kalene Madaxweyne Biixi iyo Xukuumaddiisa ayaa la sheegay inay dhulkaas saarihii karaashka Hallay ay hadda u addeegsanayso danno siyaasadeed oo la xidhiidha damaceeda shir guddoonka Golaha Wakiillada Somaliland,isla markaana ay baloogyo siinayso shaqsiyaad,kuwaas oo lagu sheegay dilaaliin iyo Xildhibaannada ay soo gacan gelinayaan.

Cabdiraxmaan Maxamed Jaamac (Cabdiraxmaan Xoog) oo kamid ah masuuliyiinta Xisbiga WADDANI oo arrintaas ka hadlay ayaa sheegay sidan:-“Waxaan maqlay in Madaxweynuhu halkii karaash boorigaraamka ee Hallaya kantaroolka Berbera looga baxa mara in yar la dhaafo meel la odhan jiray oo berrigi hor seeraha ahayd karaash Borigaraamka joogay oo markii dambe dadkii degaanku iska qabsadeen ,ayaa laga qaaday iminka meeshaa waa la qaybsaday ,haddii ay noqon lahayd nimanka Xukuumadda tageera ,haddii ay noqon lahayd Xukuumadda laftigeeda iyo Xildhibaannadan hadda la mustafaynayo ee la leeyahay taageera faratoon waxaas oo dhamba Baloogyo ayaa laga siinayaa ayaan maqlay .” ayuu yidhi

Related posts

Dad Abaar Iyo Daacuun Ugu Dhintay Gobolka Sitti Ee Soomalida Itoobiya

Heemaal

Balaarin Lagu Samaynayo Isbitaalka Degmada Baki Ee Gobolka Awdal

Heemaall

Komishanka Tamarta Ee Somaliland Oo soo Kormeeray Shirkadaha Korontada Borama.

Heemaall