Madaxwayne Kim Jong Un Oo Warbaahinta la Hadlay Isagoo Ilmeynaya.

Hoggaamiyaha Korea-da Waqooyi Kim Jong Un ayaa u muuqday inay ilmo ka qubaneysay markii uu dhammaadkii toddobaadka la hadlay shacabkiisa, isaga oo uga mahad-celinaya naf hurnimada ay sameeyeen.

Inkasta oo Kim uu sii xajistay xukunkiisa dalka go’doosan, ayaa haddana dadka fallanqeeya siyaasadda Korea-da Waqooyi waxay sheegayaan in Kim u muuqday mid isu muujinaya inuu yahay hoggaamiye ka duwan aabihii Kim Jong Il.

Isaga oo ka hadlayey dhoola-tus militari Sabtidii, ayaa Kim waxaa qaaday dareen xilli uu ciidamadiisa uga mahd-celinayey jawaabtii ay ka bixiyeen musiibooyinka dabiiciga ah ee dalkaas, ayna ka hortageen faafitaanka cudurka Coronavirus.

Waxa uu sidoo kale shacabka uga cudur daartay inuu ku guul-darreystay inuu sare u qaado oo uu wanaajiyo heerka noloshooda.

“Xishoodka iyo daacadnimada uu muujiyey Kim, isaga oo ilmeynaya oo sixanaya, waxay ahaayeen kuwa aan caadi ahayn, xitaa marka loo eego qof si shaacsan u qiranaya guul-darooyinkiisa,” waxaa sidaas tiri Rachel Minyoung Lee, oo ah cilmi-baare madax-banaan iyo fallanqeeye hore oo arrimaha Korea-da Waqooyi u qaabilsaneyd dowladda Mareykanka.

“Khudbadda oo ay aheyd mid si taxaddar leh loo qaabeeyey si loola jaan-qaado shacabka, waxay ka dhigeysaa Kim mid u muuqda hoggaamiye karti iyo soo jiidasho iyo dhinac bani’aadannimo leh,” ayey tiri.

Related posts

Yahuudda Masar Oo Laga Mamnuucay Dabbaaldegyada Munaasibadaha Diiniga.

Heemaall

Xus Loogu Ducaynayay Dadkii Lagu Xasuuqay Qaraxii Zoobe Oo Lagu Qabtay Muqdisho.(Sawiro)

Heemaall

Xukuumada Biixi Oo Markii Ugu Horaysay ka Hadashay Dil Iyo Kufsi Burco Loogu Gaystay Hooyo Ugbad.

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy