Heemaal News Network
somali

Madaxweynaha Somaliya Oo Hambalyo U Diray Xoghayaha Qaramada Midoobay Oo Mar Labaad la Doortay.

Madaxweynaha Soomaaliya Maxamed Cabdullaahi Farmaajo ayaa ugu hambalyeeyay Antonio guterres dib-u-doorashadiisa markii labaad inuu noqdo xoghayaha guud ee Qaramada Midoobay.

Madaxweyne Farmaajo ayaa sheegay in ay Soomaaliya taageero aan hagar lahayn u xaqiijinayso xoghayaha Qaramada Midoobay.

Golaha loo dhan yahay ee Qaramada Midoobay ayaa jimcihii u magacaabay Antonio Guterres inuu noqdo Xoghayaha Guud ee Qaramada Midoobay markii labaad oo ka bilaabanaysa 1da Janaayo, 2022, maalmo kadib markii Golaha guud ay si aqlabiyad leh ugu taliyeen in dib loogu doorto xilkan.

Madaxweynaha kal-fadhiga 75-aad ee Golaha Guud ee Qaramada Midoobay Volkan Bozkir ayaa ku dhawaaqay in Mr. Antonio Guterres uu xafiiska sii joogidoono Disember 31, 2026.

Bozkir ayaa kadib u dhaariyay xilka Guterres oo 72 sano jir ah fagaaraha hoolka Golaha Guud ee Qaramada Midoobay.

Guterres, oo ahaa xoghayihii 9-aad ee Xoghayaha Guud ee Qaramada Midoobay, wuxuu xilkaan la wareegay 1-dii Janaayo, 2017, shaqadiisana waxay ku ekayd 31-ka Diseembar ee sanadkan.

Related posts

Mustafe Cagjar Oo Maanta Ku Wajahan Magaalada Berbera

Heemaal

Gabar Somaliyeed Oo Maalmo la La’aa Oo Meydkeeda Laga Helay Magaallada Minneapolis.

Heemaall

Puntland Oo Amniga Gobolka Cayn Iyo Sool kaga Shirtay Buuhoodle.

Heemaall