Heemaal News Network

Madaxweyne Macron Oo Amar Cusub Dul-dhigay Muslimiinta Faransiiska 15 Cisho-na U Qabtay.

Madaxweynaha Faransiiska, Emmanuel Macron, ayaa ku amray madaxda muslimiinta dalkiisa inay aqbalaan sharci loo bixiyey (Axdiga muhiimadda Jamhuuriyadda), kaasoo qeyb ka ah ololaha lagula dagaallamayo muslimiinta xagjirka ah.

Macron ayaa muddo 15 maalmood ah u qabtay Golaha Muslimiinta Faransiiska (CFCM) si ay ugu aqbalaan axdigaas.

Wuxuu axdigan dhigayaa in Islaamku uu yahay diin oo uusan ahayn dhaqdhaqaaq siyaasadeed, wuxuuna sidoo kale mamnuucayaa in faragalin shisheeye ay ku lug yeelato ururrada muslimiinta ah.

Go’aankan Macron ayaa daba socoday saddex weerar oo lagu tuhunsan yahay dad muslimiin ah oo Faransiiska ka dhacay muddo kooban gudaheed.

Macron ayaa si adag u difaacay mowqifka Faransiiska ee ku aaddan in la kala saaro diinta iyo siyaasadda kaddib markii ay dalkaas ka dhaceen weerarro, uu ku jiro mid lagu gowracay macallin bishii lasoo dhaafay fasal dhexdiis kusoo bandhigay sawir gacmeed laga sameeyay Nabi Muxammad NNKH.

Arrintan ayaa timid markii madaxweyen Macron iyo wasiirkiisa Arrimaha Dibadda, Gérald Darmanin, ayaa la kulmay siddeed ka mid ah hoggaamiyeyaasha muslimiinta ee ka tirsan ururka CFCM, kuwaasoo ay ku qaabileen qasriga Élysée.

Wadaaddada matalayay CFCM ayaa waxay aqbaleen in la dhiso Gole Qaran oo ka kooban Imaamyada. Golahaas ayaa aqoonsi siin doona Imaamyada, wuxuuna ku kormeeri doonaa khudbadaha ay jeediyaan, isagoo meesha ka saari doona wax kasta oo loo arko inay xanaf leeyihiin

Related posts

Amar Dhinaca Amniga Ah Oo Lagu soo Rogay Garoonka Hargaysa Stadium.

Heemaall

Musharixiinta Maalintii 5aad ku Shirsan Muqdisho Oo Fashil ku Tilmaamay Dowladda Farmaajo

Heemaall

Abwaan Shaacir Oo si Adag U Duray Faysal Cali Waraabe Iyo Drs Adna Aadan Fariina Bulshada U Diray

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More