Heemaal News Network
cayaaraha

Manchester City Oo 17 Dhibcood Ku Qabatay Hogaanka Horyaalka Premier League

Manchester City ayaa 17 dhibcood ku qabatay hoggaanka horyaalka Premier League, waxaanay markan guul kasoo gaadhay Leicester City oo ay ugu tagtay King Power Stadium, kuna soo garaacday 2-0.

Ciyaartan oo ay inteeda badan maamulanaysay Manchester City ayaa qaybta hore ay kusoo dhamaatay goolal la’aan inkasta oo ay fursado goolal noqon karayey heleen, laakiin qaybtii dambe ayay City guusha u xaqiijiyeen Benjamin Mendy iyo Gabriel Jesus oo dhaliyey laba gool oo rajo la’aan ka dhigay Leicester City.

Manchester City ayaa daqiiqaddii shanaad ee ciyaarta u dabbaal-degtay gool uu masaafo 25 yard ah ka toogtay Ferdinandinho oo uu shabaqa ku hubsaday, hase yeeshee Sergio Aguero ayaa lagu qaaday offside kaddib markii uu kubadda uga booday goolhaye Schmeichel oo uu markii hore u qariyey.

Leicester City ayaa iyagana daqiiqaddii ugu dambaysay qaybta hore laga diiday gool uu dhaliyey, kaas oo uu goolhaye Ederson kubadda dhaafiyey, hase yeeshee waxa markiiba la taagay calanka oo muujiyey in offside uu ku jiray.

Benjamin Mendy ayaa daqiiqadii 58aad gool aanu muran ku jirin uu si xarrago leh u dhaliyey, waxaana mid kale ku daray Gabriel Jesus daqiiqaddii 74aad.

Manchester City ayaa yeelatay 74 dhibcood oo ay ka heshay 31 kulan oo ay ciyaartay, waxaanay 17 dhibcood ka horreysaa Manchester United oo kaalinta labaad ku jirta, haysatana 58 dhibcood.

Related posts

Kacper Kozlowski Oo Jabiyey Rikoodh La Dhigay Lix Casho Ka Hor

Heemaal

Yoane Wissa Oo Gurigiisa Lagu Weeraray Aasiidhna Wajiga Lagaga Daadiyey

Heemaal

Lix Dal Oo U Soo Baxay Dheesha Koobka Aduunka Ee 2022

Heemaal