Heemaal News Network
Caalamka Soomaaliya

Maraykanka & Britain Oo Dadkii Ugu Badnaa COVID-19 Ugu Dhintay 24 Saac Ee Ugu Denbeeyay.

Mareykanka ayaa noqaday dalka dadka ugu tirada badan ay hal maalin ugu dhinteen cudurka Corona guud ahaan caalamka.

Waxaa shalay oo kale cudurka Corona ugu dhimatay dalka Mareykanka in ka badan 1,800 oo qof.

Waxaa tirada guud ahaan dalka Mareykanka ugu dhimatay cudurka Corona ay imika gaaraysaa ku dhawaad 13,000, sida lagu xusay warbixin ay soo saartay jaamacadda Johns Hopkins.

Dalka Mareykanka kiisaska uu ilaa iyo imika cudurka so ritay ayaa gaaraya 398,000, waa tirada ugu badneyd guud ahaan caalamka .

Magaaalada New Yorka ayaa noqotay magaalada tirada ugu badan ay ugu dhintaan cudurka Corona.

Shalay oo kali ah waxaa magaalada New York ku geeriyootay dad tiradoodu ay gaarayso 731 qof.

Dhinaca kale, wadanka UK ayaa isagana waxaa 24kii saac ee ugu dambeeyey ugu dhintay COVID 19 dad gaaraya 938 qof, waana tiradii ugu dambeyd ee maalin kaliya laga diiwaan geliyo dalkaas.

This website uses cookies to improve your experience. We'll assume you're ok with this, but you can opt-out if you wish. Accept Read More