Heemaal News Network

Maraykanka Oo Suudaan Ka Saaray Liiskiisa Madow

Dowladda Mareykanka ayaa maanta Sudan ka saartay liiska madow ee dalalka taageera argagixisada, waxayna ku dhowaaqday “isbeddel weyn” oo ku yimid xiriirka kala dhaxeeya dalkaas, laba bilood kadib markii dalkaas Carbeed uu xiriir la sameystay Israel.

Tallaabadan ayaa albaabada u fureysay gargaar, deynta oo laga cafiyo iyo maal-gelin uu helo dalka Sudan oo hadda ku jira xaalad kala guur siyaasadeed, iyo dhaqaale xumo ay uga sii dartay cudurka COVID-19.

Madaxweynaha Mareykanka Donald Trump ayaa bishii October ku dhowaaqay inuu Sudan ka saarayo liiska dalalka taageera argagixisada, 27 sano kadib markii Washington ay ugu dartay inay gabbaad siiso mintidiinta Islaamiga ah.

Safaaradda Mareykanka ee Khartoum ayaa Isniintii sheegtay in tallaabadan rasmi laga dhigay, islamarkaana xoghayaha arriamaha dibedda Mareykanka Mike Pompeo ayaa xaqiijiyey “in ku calaameynta Sudan ee dal taageera argagixisada si rasmi ah looga laabtay.”

“Tani waxay muujineysa isbeddel weyn oo ku yimdi xiriirka aan wadaagno, iyo u dhaqaaqidda wada-shaqeyn iyo taageeridda isbeddelka dimqoraadiga ah ee Sudan,” ayuu Pompeo ku yiri bayaan uu soo saaray.

Related posts

Beesha Caalamka Oo War kasoo Saartay Muranka Doorashada Iyo Rabshadihii Muqdisho.

Heemaall

Dowlada Somaliya Oo Shaacisay In lasoo Qabtay Dadkii Ka Dambayey Dilkii Gudoomiyihii Degmada Hodan.

Heemaall

Jabuuti Oo Heshay Talaalka Covid19

Heemaal

This website uses cookies to improve your experience. We'll assume you're ok with this, but you can opt-out if you wish. Accept Read More