Mareykanka Oo ka Baxay Heshiiskii Talibaan Duqeyn-na ku Fuliyay Deegaanka Jelmand.

Mareykanka ayaa qaaday duqeyn dhanka cirka oo lagu beegsaday dagaalyahnada Taliban,kaas oo ka dhacay gobolka koofurta Afghanistan ee Jelmand.

Saraakiisha Amerikaanka ayaa isniintii shalay sheegay in arrintan ay ka dambeysay markii weeraro waa weyn Taliban kula wareegeen saldhigyo muhiim ah oo gobolka ku yaala.

Weerarada ayaa dhacay maalmihii u dambeeyay waxaana uu ahaa kuwa nadir ah oo Mareykanku ku beegsado Taliban tan iyo markii la saxiixay heshiiskii u dhexeeya labada dhinac bishii Fibraayo.

Afhayen u hadlay ciidanka Mareykanka Col. Sonny Lehhett ayaa Twitter soo dhigay in weerada ay ahaayeen kuwo ku xiran heshiiskii Taliban iyo Mareykanka wada galeen isla markaana ciidanka Afghanistan sii wadi doonaan howlgalada ka dhanka ah Taliban.

Gen. Scott Miller, oo ah taliyaha ciidamada shisheeye ee Afghanistan ayaa Taliban ugu baaqay in ay joojiyaan dagaalka ka socda gobolka Helmand, isagoo sheegay in howlgaladan ay waxyeeleyn karaan heshiiskii Taliban iyo Mareykanka.

Dagaalka ayaa sii socda iyadoo ay dhinaca kalena jiraan wadahadalada nabadda uu dhexeeya Taliban iyo Afghanistan kuwaas oo bishii hore ka furmay magaalada Dooxa ee Qatar.

Afhayeenka Taliban Zabihulah Mujahid ayaa sheegay goobihii ay la wareegeen kooxdan ayaa lagala wareegay gacan ku haynta bilo yar ka hor. “Ma jiraan wax isbeddelo cusub ah oo dhacay.

Taliyaha booliiska gobolka Helmand Gen. Khaliilu Raxmaan Jawaad ayaa wariyeyaasha u sheegay in tallaabooyin xeeladaysan la qaaday si looga hor tago khasaaraha soo gaaraya ciidanka ammaanka isla markaan dhowaan amar iyo kala dambeynta la soo celin doono.

Waxaa uu intaas ku daray in ciidanka cirka ee Afghanistan ay qaadeen weeraro lagu dilay in ka badan 170 ka tirsan Taliban 24 saac ee la soo dhaafay.

Related posts

Yahuudda Masar Oo Laga Mamnuucay Dabbaaldegyada Munaasibadaha Diiniga.

Heemaall

Xus Loogu Ducaynayay Dadkii Lagu Xasuuqay Qaraxii Zoobe Oo Lagu Qabtay Muqdisho.(Sawiro)

Heemaall

Xukuumada Biixi Oo Markii Ugu Horaysay ka Hadashay Dil Iyo Kufsi Burco Loogu Gaystay Hooyo Ugbad.

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy