Heemaal News Network
somali

Markab Shiinaha Laga Lahaa Oo Lagu Qabtay Xeebaha Galmudug Oo Lasii Daayay

Markab laga leeyahay dalka Shiinaha oo lagu qabtay isagoo kalluumaysi sharci darro ah ka waday xeebaha Galmudug, ayaa lasii daayay, iyadoo aan sharciga la horgeynin.

Urur lagu magacaabo Somalia Marine Fisheries oo si dhow ula socda kalluumaysiga sharci darrada ah ee xeebaha Soomaaliya, ayaa sheegay inuu soo gudbin doono baaritaanka horudhac ah oo ay ku sameeyeen sababta lagusii daayay markabka, isagoo aan sharciga la marsiin.

Somalia Marine Fisheries ayaa ku tilmaamtay sii daynta markabkan xeelad cusub oo lagu qarinayo kalluumeysiga sharci darrada ah.

Maraakiibta Kalluumeysiga dalka Shiinaha ayaa si xad dhaaf ah uga kalluumeysanaya badda Soomaaliya, waxaana loo sababeynayaa heshiis wasaaradda kalluumaysigu sannadkii 2018 la gashay Ururka Kalluumeysiga Dibadda ee dalka Shiinaha oo loo gaabiyo COFA.

Somalia Marine Fisheries waxay ku talisay si loo dhimo kalluumeysiga xad-dhaafka ah ee maraakiibta Shiinuhu ka wadaan badda Soomaaliya in la baabi’iyo Is-fahamka COFA.

Related posts

Golaha Amaanka Oo Ka Digaya Dagaal Ka Dhaca Itoobiya

Heemaal

Ramadaan Kariim: Sucuudiga Oo Xaqiijiyay Bilashada Bisha Soon

Heemaall

Jadwalka Cusub Ee Doorashada Golaha Shacabka Somaliya Oo la Shaaciyay.(Akhriso)

Heemaall