Heemaal News Network

Maxaa Sababay In Garoonka Diyaaradaha Garoowe Uu Xirnaado Maalintii 4-aad.?

Waxaa maalintii afaraad oo xiriir ah gebi ahaan xiran Garoonka diyaaradaha Gen. Maxamed Abshir ee Magaalada Garoowe ee Caasimadda Maamulka Puntland, iyadoo aysan jirin wax shaqo oo halkaas ka socota.

Sababta uu shaqeyn la’yahay Garoonka diyaaradaha Gen. Maxamed Abshir ayaa waxaa ay tahay, kadib markii Arbacadii lasoo dhaafay uu Garoonka ka dhacay shil diyaaradeed oo ay gashay diyaaradda AirDjibouti.

Ilo-wareedyo ayaa sheegaya in diyaaradda oo ku dhacday dhabaha ay Cagadhigtaan diyaaradaha ee Garoonka Garoowe ay taallo diyaaradda AirDjibouti, isla markaana aan halkaas laga qaadin, sidaasina loo xiray Garoonka oo aysan wax duulimaadyo oo ka jira.

Sidoo kale waxaa la tilmaamay in Garoonka diyaaradaha Puntland ee Garoowe oo leh hal dhabe ama hal run-way ay dhex-taalo diyaaradii ku dhacday, xili ay dooneysay in ku degto, ayna u bixi waayeen lugaha, waxaana waxyeelo ay kasoo gaartay qeybta dambe.

Ma jirin wax khasaaro nafeed oo ka dhashay diyaaradda AirDjiboutil ee ku dhacday Garoonka Gen. Maxamed Abshir, isla markaana waxaa saarnaa 34 qof oo isugu jiray rakaab iyo shaqaale, iyadoona duuliyihii waday uu ku guuleystay inuu si xirfadeysan u dejiyo, waxaana markii horey ay ka timid Magaalada Hargeysa.

Related posts

Raisal Wasaraaha UK Aabihii Oo Codsaday Dhalashada Dalka Faransiiska

Heemaal

Somaliland Oo Muqdisho U Mastaafurisay Xildhibaan Musharax Mustafa Dhuxulow.

Heemaall

Muwaadin Somaliyeed Oo Lagu Dilay Koonfur Afrika.

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More