Heemaal News Network
Caalamka

Maxkamad ku Taala Maraykanka Oo Gaartay Xukun ka Nixiyay Trump.

Maxkamad ayaa madaxweynaha Mareykanka Donald Trump ku amartay inuu waaxda dambi baarista ee New York uu u soo gudbiyo canshuur celintiisii ee 8-ddii sannadood ee ugu dambeysay.

Garsooraha Maxkamada ayaa diiday doodaha qareenada madaxweynaha ee ah in xasaanada guud ay ilaaliso isaga inta uu xafiiska joogo.

Madaweynaha ayaa xukunka ka dib bartiisa Twitter-ka soo dhigay in arrintani ay dabada ka riixayaan xisbiga Dimuqraadiga si madaxweyne dambi loogu helo isaga.

Trump waa madaxweynaha kaliya ee Mareykanka soo maray ee aanan shaacin cashuur celintiisa tan iyo sannadkii 1960-kii.

Xukunkaan maxkamadda ayaa sahlayaa baaritaanka ku saabsan lacagtii la sheegay in la siiyay labadii dumar ee sheegay inay xiriir la lahaayeen Mr Trump.

Garsoore Victor Marrero ayaa sheegay in uusan aqbali karin Sheegasho aan xad lahayn oo ku aaddan xasaanadda madaxweynaha ee Nidaamka garsoorka” hase ahaatee qareenada Madaxweynaha ayaa dacwad racfaan ah u gudbiyay Maxkamadda sare.

This website uses cookies to improve your experience. We'll assume you're ok with this, but you can opt-out if you wish. Accept Read More