Heemaal News Network

Mid ka mid ah Musharaxiinta Mucaaradka ah Oo War kasoo Saaray Qodobadii kasoo Baxay Shirkii IGAD

Siyaaasiga C/raxmaan Cabdi Shakuur Warsame ahna hoggaamiyaha Xisibiga Wadajir ayaa ka hadlay War-murtiyeed laga soo saaray Shir madaxeedka urur Goboleedka IGAD oo lagu qabtay dalka Jabuuti, waxaana kasoo baxay shirkaaasi Qodobbo dhowr ah.

CC Shakuur ayaa sheegay in uu kula talinayo Madaxweyne Farmaajo in talada waxgaradka bulshada, siyaasiyiinta iyo beesha caalamka uu dhageysto, si meesha looga saaro walwalka iyo dareenka taban ee ay shacabku ka qabaan arrimaha doorashooyinka.

Waxaana Shirka laga soo saaray Qodobo dhowr ah oo quseeya siyaasadda Soomaaliya, gaar ahaan doorashooyinka, iyadoo Dowladda dhexe iyo Maamul Goboleedyada dalka loogu baaqay in xal ka gaaran, khilaafadka ka dhexeeya.

Hoos ka aqriso Qoraalka CC Shakuur

Qodobka 14-aad ee war-murtiyeedkii ka soo baxay shir madaxeedka IGAD ee ka hadlaya doorashooyinka Soomaaliya wuxuu adkeeyey war-saxaafadeedkii ay sida wadajirka ah u soo saareen beesha caalamka 15-kii December. Qodobkaas ayaa sidatan u dhigan

“Waxaan ugu baaqaynaa Dowladda Federaalka ah, Dowlad Goboleedyada iyo saamileyda kale in ay xalliyaan khilaafka ka dhashay maamulka doorashada si kalsooni iyo wadar-ogol ah, iyadoo la tixgelinaya ruuxda heshiiskii iyo kii 17-kii September 2020”

Horey ayaa Golaha Midowga Murashaxiinta iyo qaybaha kala duwan ee bulshada ku taliyeen in Madaxweyne Farmaajo uu hannaanka maamulka doorashada dhexda soo dhigo, lagana heshiiyo is marin waaga ka taagan qodobbada la isku hayo.

Waxaan mar kale kula talinayaa Madaxweyne Farmaajo in uu talada waxgaradka bulshada, siyaasiyiinta iyo beesha caalamka dhageysto, si meesha looga saaro walwalka iyo dareenka taban ee ay shacabku ka qabaan arrimaha doorashooyinka.

Related posts

Trump Oo Waaran Soo Qabsho Loo Jaray

Heemaall

Somaliya Oo Gudbisay Xeer Meesha ka Saaraya Lacagaha Lagu Bixiyo Gudiga ka Hortaga Burcad Badeedka.

Heemaall

Dawlada Fadaraalka Oo Sawaaxilga Iyo Dabadhilifyadiisa Digniin Culus Siisay

Heemaal

This website uses cookies to improve your experience. We'll assume you're ok with this, but you can opt-out if you wish. Accept Read More