Heemaal News Network
somali

Midowga Afrika Oo Magacaabay Bedelka Simon-kii Dawladu ka Ceyrisay Somaliya

Guddoomiyaha Midowga Afrika Moussa Faki Mahamat ayaa Magacaabay bedelka ku xigeenka wakiilka midowga Afrika ee Soomaaliya Simon Molunga oo dowladda Soomaaliya muddo Saddex Bilood ka hor ay dalka ka ceyrisay.

Moussa Faki Mahamat Guddoomiyaha Midowga Afrika ayaa Marwo Fiona Lortan u magacaabay inay noqoto ku xigeenka wakiilka midowga Afrika ee Soomaaliya, taas oo siweyn uga qayb qaadan doonto ballanqaadka midowga Afrika ee xaqiijinta qorshaha kala-guurka ee AMISOM iyo howlgalka cusub ee Midowga Afrika si loo helo xasillooni waarta iyo amni ee dalka Soomaaliya.

Madaxda Midowga Afrika ee shirka uga socdo Magaalada Addis Ababa ee dalka Itoobiya ayaa soo dhaweeyay siweyna u taageeray is bedelka lagu sameeynayo howlgalka AMISOM ee Soomaaliya.

Ku xigeenkii hore Wakiilka midowga Afrika ee Soomaaliya Simon Molunga ayaa waxaa dowladda Soomaaliya ku eedeysay inuu isku dayay inuu marin habaabiyo baaritaanka dadkii Soomaaliyeed ee Ciiddamada AMISOM ku xasuuqeen degaanka Golweyn ee gobolka Shabeellaha hoose iyo arrimo kale.

Related posts

James Swan Oo Digay Cawaaqib xumada ka Dhalan karta Khilaafka Farmaajo Iyo Rooble.

Heemaall

M/Biixi Oo la Kulmay Madaxweynihii Hore Sierra Leone.(Sawirro)

Heemaall

Wafdi Uu Hogaminayay Farmaajo Oo Lagu soo Dhaweeyay Magaaada Addis Ababa.(Sawiro)

Heemaall