Heemaal News Network

Militariga Ethiopia Oo Shaaciyay Hubka ay U Adeegsanayaan Qabsashada Caasimada Mekelle

Milatariga Ethiopia ayaa qorsheynaya in ay taangiyo u adeegsadaan in ay ku qabsadaan magaalada Mekelle ee xarunta gobolka Tigray ee woqooyiga dalkaasi, waxayna uga digayaan dadka shacabka ah in ay sidoo kale madaafiic u adeegsan doonaan magaalada, sida ay Axadda maanta ah ku warantay warbaahinta dowladda.

“Qeybaha xiga ayaa ah kuwa ugu muhiimsan ee hawlgalka, oo ah in la hareereeyo Mekelle iyada oo la adeegsanayo taangiyada, si loo dhammeeyo dagaalka aagga buuraleyda ah looguna sii gudbo aagagga difaaca,” ayuu Colonel Dejene Tsegaye oo ah Afhayeenka militariga u sheegay warbaahinta dowladdu leedahay ee EBC.

Macluumaadka ku saabsan dagaalka ayaa ah mid si aad ah u xadidan, iyadoo sheegashooyinka dhinacyada oo dhan ay adag tahay in la xaqiijiyo sababtoo ah xiriirkii taleefannada iyo internet-ka ee gobolka ayaa go’an tan iyo markii ay colaaddu bilaabatay.

Labada dhinacba waxa ay sheegeen in ciidamada federaalku ay qabsadeen Adigrat, oo 116 km dhanka waqooyiga ka xigta Mekelle.

Dejene ayaa sheegay in dadka shacabka ah ee magaalada Mekelle oo ay ku nool yihiin nus malyan qof ay tahay in ay ka feejignaadaan halista.

“Illaa iyo iminka, waxa aan kaliya weerareynay bartilmaameedyada jabhadda saldhigyada u ah, laakiin marka laga hadlayo Mekelle way ka duwanaan kartaa taas,” ayuu yiri.

Ciidamada TPLF ayaan ka jawaabin hadalkan ka soo yeeray militariga Ethiopia.

REUTERS+VOA

Related posts

Dawlada Itoobiya Oo Tigrayga ku Eedeysay Weerar Lagu Xasuuqay Rakaab Bas.

Heemaall

Toos U Daawo Ciyaarta Dhexmaraysa Gabilay Iyo Hargaysa.

Heemaall

Boqorka Sacuudiga Oo Ku Baaqay In Lagu Duulo Iiraan

Heemaal

This website uses cookies to improve your experience. We'll assume you're ok with this, but you can opt-out if you wish. Accept Read More