Heemaal News Network

Mustafe Cagjar Oo War kasoo Saaray Dagaalka ka Socda Gobolka Tigreega

Madaxweynaha dowlad deegaanka Soomalida ayaa sheegay in haddii Ururka Xoreynta Tigray ee TPLF aan la soo afjarin inay khatar galeyso wadajirka iyo midnimada Itoobiya.

Madaxweyne Mustafe Muxumed Cumar oo Telefishinka Aljazeera u warramay, wuxuu si weyn u taageeray go’aanka ra’iisal wasaaraha Itoobiya Abiy Axmed ee ah in howlgal militari laga fuliyo gobolka Tigray kaas oo ka dhan ah TPLF.

“Ra’iisal wasaaraha Itoobiya labada sano iyo barkii la soo dhaafay wuxuu diyaar u ahaa, dadaal adagna uu u galay, sidi khilaafka jira wadahadal looga dhammeyn lahaa, balse Kooxda TPLF ayaa jebisay dhammaan nidaamyadii siyaasadeed ee ka jiray dalka Itoobiya dastuurkii bey baalmareen iyaga oo doorasho sharci darro ahna qabsaday”,ayuu yiri Mustaf.

Mustaf wuxuu maamulka Tigray ku eedeeyay in mas’uuliyiin sare oo deegaankaasi ka mid ah ay baahiyeen inay haystaan gantaallo ay riddadooda gaareyso ilaa iyo 700 oo km, oo ay ugu talagaleen inay ku duqeeyaan caasimadda Itoobiya iyo magaalooyinka kale.

Gobolka Tigray waxaa weli ka socda howlgalka militariga dowladda oo Abiy Axmed uu ku tilmaamay in uu yahay mid lagu soo celinayo xasilloonida. Golaha federaalka ee dalkaas ayaana dhowaan sheegay in xilka laga qaaday madaxda gobolkaas.

Related posts

Muuse Biixi Oo Kaabbo-Qabiillo ku Tilmaamay Mulkiilayaasha Xisbiyada Wadani Iyo Ucid

Heemaall

Xukuumada Abiy Ahmed Oo Shaacisay Inay Magaalo kale Ay ka Qabsatay Xoogaga Tigray-ga.

Heemaall

Beesha Caalamka Oo Shir Yeeshay Musharaxiinta Xilka Madaxweynaha Somaliya.

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More