Heemaal News Network

Ninkii Al-Shabaab U Qaabilsanaa Qaraxyada Galgaduud Oo lasoo Bandhigay(Sawirro)

Ciidamada Xoogga Dalka ayaa magaalada Dhuusamareeb ku soo bandhigey sarkaal la sheegay inuu qeybta qaraxyada Galgaduud u qaabilsanaa Alshabaab kaasoo lagu magacaabo Xassan Cabdinuur daad (Careys).

Ninkan ayaa xalay lagu qabtey howlgal ciidamadu ka fuliyeen duleedka Magaalada Dhuusamareeb isagoo dhaawac ah, waxaana howlgalkaas sidoo kale lagu laayey 8 ka tirsan Al-shabaab oo xiligaas hoobiyeyaal ku tuurayey magaalada Dhuusamareeb.

Waxaa ninkan laga daaweynayaa dhaawac kasoo gaarey dagaalkii xalay, waxaa sidoo kale goobta la keenay gaarigii ay wateen, qori ah B10 oo ay adeegsanayeen, sidoo kale Ciidamada ayaa goobta ku soo bandhigey qoryo fudud.

Taliye Kuxigeenka Ciidanka Dhulka Xoogga Dalka S/Guuto: Xuseen Xoosh Cali iyo Wasiirka Amniga Galmudug Axmed Macalin Fiqi oo ay Wehliyaan Masuuliyiinta Maamulka Dhuusamareeb ayaa ku amaaney Ciidamada Gorgor ee howlgalkan fuliyay, sida ay uga hortageen qorshihii Alshabaab ee ahaa carqaladeynta Amaanka Magaalada.

Related posts

Golaha Wakiilada Somaliland Oo la Hor-geeyay Odoroska Miisaniyda 2021

Heemaall

Golaha Wakiilada Maraykanka Oo Markale dacwad Ku Soo Oogay Trump

Heemaal

Ra’iisul Wasaare Rooble Oo si Wayn Loogu soo Dhaweeyey Dhuusamareeb.(Sawirro)

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More