Heemaal News Network
Soomaaliya

Qaar kamid ah Wadooyinka Dhuusomareeb Oo Caro-tuul Lagu Xidhay.

Ciidamada amaanka dowlada Soomaaliya geesay magaalada Dhuusomareeb ee caasimada maamulka Galmudug ayaa adkeeyay amaanka guud ee magaaladaasi oo dhawaan la filayo in doorashooyin ka dhacaan.

Ciidamada ayaa dhagxaan iyo caro tuur ku xiray qaar kamid ah wadooyinka magaalada Dhuusomareeb gaar ahaan wadooyinka gala xarunta Madaxtooyada Galmudug iyo sidoo kale halka uu ka socdo shirka dib u heshiisiinta.

Sida aan wararka ku heleyno ciidamada amaanka ayaa baaraya gaadiidka doonaya in ay galaan xarumaha maamulka iyo goobaha kale ee muhiimka ah, waxa ayna ciidamada dadka weediinayaan aqoonsiyo.

Ciidamada booliiska sida gaarka ah u tababaran ee ka howlgalada magaalada Dhuusomareeb ayaa ku jira feejignaan, waxa ayna ciidamada baro iyo koontaroolo ka sameesteen qeybo badan oo magaalada kamid ah.

Magaalada Dhuusomareeb oo hada ka socdo shirka dib u heshiisinta beelaha dega Galmudug ayaa la filayaa in ay ka dhacaan doorashooyin ayna halkaasi gaaraan masuuliyiin kala duwan oo qeyb ka noqonaya dhismaha Galmudugta cusub.

This website uses cookies to improve your experience. We'll assume you're ok with this, but you can opt-out if you wish. Accept Read More