Heemaal News Network
somali

RW Rooble Oo warbixin ka Dhageystay Guddiga Xaqiijinta Guddiyada Doorashooyinka.(Sawiro)

Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble oo warbixin faahfaahsan ka dhageystay Guddiga Xaqiijinta Xubnaha Guddiyada Doorashooyinka ayaa bogaadiyey shaqada wanaagsan ee ay ka qabteen xal u helista tabashooyinka maangalka ah ee laga soo gudbiyey xubnaha Guddiyada doorashooyinka dalka.

Ra’iisul Wasaaraha ayaa adkeeyey ballan-qaadkii Xukuumadda ee ku aaddanaa hoggaaminta geeddi socodka doorasho daah-furan oo deg deg ah, laguna kalsoonaan karo, isagoo tilmaamay muhiimadda ay leedahay in loo midoobo danta guud, lagana fogaado dhaliilaha aan wax dhisayn, si loo sii amba-qaado qabsoomidda doorashada.

Guddoomiyaha Guddiga Xaqiijinta Guddiyada Doorashooyinka ahna Wasiirka Waxbarashada iyo Tacliinta Sare ee Xukuumadda Federaalka Soomaaliya Mudane Cabdullaahi Abuukar Xaaji oo kulanka kaddib soo bandhigay tallaabooyinka loo qaaday qabsoomidda doorashada ayaa ku ammaanay Dowlad-goboleedyada soo gudbiyey xubnaha lagu beddelay xubnihii hore, kana codsaday ciddii ay ku dhiman yihiin xubnaha haray in ay degdeg u soo magacaabaan.

Related posts

RW Rooble Oo Magacaabay Agaasimayaal Guud.

Heemaall

Faysal Cali Waraabe Oo Ka Hadlay Hordhac Natiijada Doorashada.

Heemaall

Madaxweyne Farmaajo Oo Deg-deg U Taageeray Qaraarkii Ay Ansixiyeen Golaha Shacabka.

Heemaall