Heemaal News Network

Sacuudiga Oo Xukun Dil ah ku Riday Haweeney Dishay Gabar U Shaqaynaysay.

Maxkamad ku taalla Sacuudiga ayaa dil ku xukuntay haweeney u dhalatay dalkaas ka dib markii lagu helay iney dil bareer ah kula kacday haweeney shaqaale u aheyd.

Ayesha al-Jizani ayaa wajahaysa dil qoor goyn ah markii ay dil u geysatay gabar reer Bangladesh ah oo la odhan jiray Abiron Begum bishii Maarso 2019 sida ay sheegtay warbaahinta Sacuudiga

Kooxaha u dooda xuquuqda xuquuqul insaanka waxay sheegeen in talaabadani uu qaaday Sacuudiga ay tahay mid naadir ah.

“In loo shaqeeye lagu helo loona ciqaabo dambi ah inuu ku xadgudbay shaqaale muhaajiriin ah oo ku sugan waddan ka ka tirsan Bariga Dhexe waa arrin naadir” ayaa lagu yiri qoraal ka soo baxay heyadaha xuquuqda aadanaha oo talaabadan soo dhoweeyey.

Dilkii Abiron Begum loo geystay bishii Maarso 2019 ayaa soo afjaray labo sano oo ay wadamada khaliijka u soo aaday shaqo ay fileysay in mushaharkeeda fiican yahay, balse ay ku weyday nafteedii

Ehelada Begum waxay ku booriyeen dowlada Bangaladhesh inay talaabo ka qaado dilaaliin ay sheegeen iney sireen Begum, oo 40 jir aheyd si ay uga soo shaqeystaan dalka sacuudiga.

“Waxay rabtay inay aado dibedda si ay lacag badan u hesho una caawiso waalidkeed oo da’ ‘ah,” ayuu yiri Ayub Ali oo ka tirsan qoyska Begum xili uu a hadlayey Reuters.

“Waxay bilaabeen inay jirdilaan laba toddobaad ka dib markay tagtay. Way na soo wici jirtay oo ay ooyi jirtay, waxaan ka codsannay dillaaliinta dhoofiyey inay soo celiyaan, laakiin cidina nama dhageysan” ayuu intaas ku daray Ayub Ali.

Related posts

Somaliland Oo Shaacisay Tirada Dadka loo Xir-xiray Musuq-maasuqa.

Heemaall

Xisbiga Kulmiye Oo Gacan Ugu Hanjabay Faysal Cali Waraabe.”Hadii Uu Hadalka Xumaado Gacan ayaa Iman”

Heemaall

Ciidamada Itoobiya Oo Adis Ababa ku Qabtay Hub kala Duwan iyo Ragii Watay.(Sawiro)

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More