Sharciga Dhismaha Ciidanka Galmudug Oo Maanta la Horgeeyay Baarlamaanka Maamulkaasi.

Wasaaradda Amniga Gudaha ee maamulka Galmudug ayaa maantay ku guulaysatay in barlamaanka Galmudug ay horgeyso hindise sharciyeedka dhismaha ciidamada Booliiska Galmudug.

Wasiirka Amniga Gudaha Md. Axmed M. Fiqi oo samaynayey bandhigga aqriska koowaad ee hindise sharciyeedka ayaa sharaxaad faahfaahsan ka bixiyey baahida ay Galmudug u qabto sharcigan gaar ahaan waqtigan la joogo oo ay wasaaraddu ku hawllan tahay dhismaha ciidamada amniga Galmudug oo ay ka mid yihiin Boolisku.

Wasiirka Amniga ayaa xusay asagoo tixraacaya dastuurka dawladda Galmudug In qodobkiisa 69aad uu ogolaanayo in “Dawladda Galmudug ay yeelato ciidamo nabadgalyo oo isugu jira: Booliis iyo Birmad, Nabadsugid iyo Ciidamada Asluubta”.

Sidoo kale wasiirka ayaa sheegay asagoo cuskanaya heshiis dhexmaray dawladda federaalka ah iyo dawladaha xubnaha ka ah Federaalka kana dhacay Baydhabo 24 Juun 2016 in lagu jaangooyey qaab-dhismeedka cusub oo ay yeelanayaan ciidamada Booliska Soomaaliyeed oo noqonaya laba heer oo kala ah heer federaal iyo heer dawlad goboleed, mid walbana uu yeelanayo sharci Booliis oo u gaar ah, kan heer federaal ahna laga ansixinayo barlamaanka federaalka, kan heer dawlad goboleedna laga ansixinayo barlamaanada dawlad goboleedyada”

Sharciga dhismaha ciidamada Booliska Galmudug ee maantay barlmaanka la horgeeyey ayaa ka kooban 14 cutub iyo 82 qodob oo dhammaan ka hadlaya waajibaadka, hawlaha iyo xuquuqda ciidamada Booliiska Galmudug iyo qodobo kale.

Wasiirka Amniga oo ay wehliyaan wasiiru dawladaha wasaaradda amniga iyo agaasimaha guud ayaa xildhibaanada barlamaanka ka codsaday in ay sharcigan waajibkooda dastuuriga ka gutaan ayna ansixiyaan inta lagu guda-jiro kalfadhiga 2aad ee barlamaanka.

Related posts

Yahuudda Masar Oo Laga Mamnuucay Dabbaaldegyada Munaasibadaha Diiniga.

Heemaall

Xus Loogu Ducaynayay Dadkii Lagu Xasuuqay Qaraxii Zoobe Oo Lagu Qabtay Muqdisho.(Sawiro)

Heemaall

Xukuumada Biixi Oo Markii Ugu Horaysay ka Hadashay Dil Iyo Kufsi Burco Loogu Gaystay Hooyo Ugbad.

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy