Heemaal News Network

Sheekh Shariif Oo Muddo Kororsi Uga Digay Madaxda ku Shiraysa Dhuusamareeb.

Madaxweynihii hore ee Soomaaliya Sheekh Shariif Sheekh Axmed ahna Guddoomiyaha Midowga Musharixiinta Madaxweynaha ayaa ka hadlay xaalada siyaasadeed ee dalka iyo xilliga kala-guurka ee aan weli heshiis laga gaarin Arrimaha doorashooyinka.

Sheekh Shariif oo Shir Jaraa’id ku qabtay Magaalada Muqdisho waxa uu sheegay in Midowga Musharixiinta ay aad uga xun yihiin in, iyada oo aan heshiis laga gaarin arrimaha doorashooyinka uu dhamaaday waqtiga dowladda loo asteeyay.

Waxaa uu sheegay in xilligaan ay aheyd in doorashada madaxweynaha kaliya ay harsan tahay ama uu jiro in heshiis laga gaaro arrimaha doorashooyinka, hayeeshee taasi aysan dhicin.

Waxaa uu hadalkiisa uu intaasi ku daray in Midowga Musharixiinta Madaxweynaha, Guddoomiyaha Aqalka sare & Ururada Bulshada rayidka ay muhiim aheyd inay ka qeyb-galaan shirka wadatashiga Arrimaha doorashooyinka dalka ee ka socda Magaalada Dhuusamareeb.

Ugu dambeyn Sheekh Shariif waxaa uu ka hadlay mudada xilheynta Madaxda dowladda Somaaliya oo geba-gabo maraya, waxaana uu sheegay in hadii uu dhamaado wax walba oo la gaarayo ay noqdaan heshiis siyaasadeed, isla markaana aysan aqbaleyn muddo kororsi.

Hadalka Madaxweynihii hore ee Soomaaliya Sheekh Shariif Sheekh Axmed ayaa waxaa uu kusoo aadayaa xilli Magaalada Dhuusamareeb uu ka socdo dhirka wadatashiga Madaxda dowladda & dowlad goboleedyada, kaas oo la filay in go’aan looga gaaro arrimaha doorashooyinka dalka.

Related posts

Midawga Musharaxiinta Oo War Adag kasoo Saaray Rasaastii Lagu Riday Mudaharadayaasha.(Akhriso)

Heemaall

Alshabaab Oo Si Buuxda Ula Wareegtay Dagaano Ka Tirsan Gobolka Sanaag

Heemaal

Wasiirka Caafifaadka Maraykanka Oo Is Casilay

Heemaal

This website uses cookies to improve your experience. We'll assume you're ok with this, but you can opt-out if you wish. Accept Read More