Heemaal News Network
Soomaaliya

Shirka Dayn Cafinta Somaliya Oo ka Furmay Adis-ababa.(Sawiro)

Waxaa Maanta Magaalada Addis Ababa ee Caasimadda dalka Itoobiya ka furmay mid ka mid ah shirarka muhiimka u ah deyn Cafinta Soomaaliya.

Shirkaas ayaa waxaa ka qeyb galay Madax ka socota hey’adda Lacagta Aduunka ee IMF,waxaana dowladda Soomaaliya uga qeyb galaya Wasiirka Wasaaradda Maaliyada Cabdiraxmaan Ducaale Beyle,Wasiirka Qorsheynta Jamaal Maxamed Xasan, xubno ka tirsan Bangiga Dhexe iyo labada Xafiis ee Madaxweynaha iyo Ra’iisul Wasaaraha.

Dowladda Soomaaliya ayaa shirkan ku soo bandhigi doonta wixii u qabsoomay 3-Bilood ee la soo dhaafay iyo in ay ku dadaasho sidii ay u sii horumarin laheyd Maamul wanaaga Maaliyadda Dalka.

“Markale ayaan fileynaa in ay soo baxdo natiijo wax ku ool ah oo muujineysa guusha iyo horumarka dhaqaalaha Soomaaliya”ayuu yiri Wasiirka Maaliyadda Soomaaliya.

Shirkaan Maanta ka furmay Magaalada Addis Ababa ee Caasimadda dalka Itoobiya ayaa waxaa uu socon doonaa Muddo kooban.

This website uses cookies to improve your experience. We'll assume you're ok with this, but you can opt-out if you wish. Accept Read More