Heemaal News Network

Sideed Qof Oo Maanta Cudurka Karoonaha Ugu Geeriyooday Muqdisho.

Wasaaradda Caafimaadka Somalia ayaa sheegtay in 24kii saacadood ee la soo dhaafay laga helay cudurka Coronavirus dad gaaraya 128 qof dalka oo dhan

“Maanta sabti ah waxaa cudurka laga helay dad cusub oo tiradoodu gaareyso 128 qof kuwaasoo 75 ka mid ah yihiin rag, halka 53 kalena ay yihiin dumar, waxayna tirada guud ee dadka cudurka laga helay Somalia oo dhan ka dhigeysa 6, 017 qof inta laga warqabo” ayaa lagu yiri qoraal ka soo baxay Wasaarada Caafimaadka.

Waxaa sidoo kale qoraalka lagu sheegay in 110 ka mid ah dadka maanta laga helay cudurka ay joogaan Muqdisho, halka Jubbaland laga helay 8, Somaliland 6, Koonfur galbeed 3, Galmudugna waxaa laga diiwaan geliyey hal qof.

Wasaarada waxay intaas ku dartay in dad gaaraya 8 qof ay 24kii saac ee la soo dhaafay u dhinteen cudurka kuwaasoo dhamaantood ku sugnaa Muqdisho.

Wasaarada Caafimaadka Xukuumada Somalia ayaa horey u sheegtay in kiisaska cudurka ee laga helayo dalka ay sare u sii kaceyso maalinba maalinta ka dambeysa, loona baahan yahay shacabka iney ku dhaqmaan talooyinka ka hortaga ah si yareeyo faafida cudurkan.

Related posts

Abiy Ahemed Oo Xaqiijiyey In Uu Dayaarado Ku Weerayay Gobolka Tigreega

Heemaal

Taliyihii Ciidanka Nabadsugida Dhuusa-Mareeb Oo Qarax Miino Lagu Dilay.

Heemaall

“Xisbiga Kulmiye Beelaha Gabooyo Waxuu Ku Hayaa Takoor,Mana Jirto Lacag Uu Naga Daayay”Suldaan Abu-sufiyan.

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More