Heemaal News Network
somali

Somaaliya Oo Qaramada Midoobay U Gudbisay Qorshaheeda Isbedelka Cimilada.

Ra’iisul wasaare ku -xigeenka Soomaaliya Mahdi Maxamed Guuleed ayaa shaaciyay in ay Soomaaliya Qaramada Midoobay u gudbisay qorshaheeda tabarrucaadka Qaran ee waafaqsan heshiiskii Paris ee isbedelka cimilada.

“Waxaan ku faraxsanahay inaan ku dhawaaqo in Soomaaliya ay soo gudbisay tabarrucyadii Qaran ahaan loo qoondeeyay si waafaqsan waajibaadka caalamiga ah iyo heshiiskii Paris ee isbeddelka cimilada,” ayuu Mahdi Guuleed ku yiri qoraal uu soo dhigay bartiisa Twitter.”

Heshiiska Paris ayaa tilmaamaya qaab -dhismeed caalami ah oo lagula dagaallamayo isbedelka cimilada, wuxuuna raadinayaa in lagu yareeyo kuleylka adduunka si aad uga hooseeya 2 ° C.

Qodobka 4aad ee Heshiiska Paris wuxuu sheegayaa in dhinacyadu ay raacaan tallaabooyinka yaraynta wasakhda hawada, iyadoo ujeedadu tahay in la sameeyo dhimis degdega oo ku saabsan qiiqa hawada.

Waxay kaloo ujeeddadeedu tahay in la xoojiyo awoodda waddammada ee la tacaalida saameynta isbedelka cimilada oo lagu taageero dadaalkooda.

Ka dib markii la ansixiyay Heshiiskii Paris ee 2015, dhinacyada waxaa laga rabay inay soo gudbiyaan tabarrucaadkooda Qaran ahaan sannadkii 2020.

Soomaaliya ayaa ansixisay heshiiskii Paris Abriil, 2016 -ka.

Related posts

Dibu Dhac Maanta ku Yimid Shirkii Madaxda Golaha Wadatashiga Qaran.

Heemaall

Wafdi ka Socda Dowladda Somaliya Oo Magaalada Hague U Tagay Xukunka Bada Somaliya

Heemaall

Guddiga Qabashada Doorashada Xubnaha Aqalka Sare Ee Puntland Oo la Magacaabay.

Heemaall