Heemaal News Network
Soomaaliya

Lix Qof Oo Soomaali ah Oo Sweden Ugu Geeriyootay Coronavirus.

Ugu yaraan lix Soomaali ah ayaa ka mid noqotay 15 ruux oo dalka Swdeden ugu geeriyooday saacadihii la soo dhaafay cudurka Coronavirus sida ay sheegtay warbaahinta dalkaas.

Telefishinka Sweden ee SVT oo soo xiganaya ururka iskutaga dhaqaatiirta ayaa caawa xogtan baahiyey.

Saraakiisha caafimaadka ayaa sheegay in arrintan ay ugu wacan tahay, dadka oo aan helin xog buuxda oo cudurkan la xirriira markii uu dalka ku faafay, ayna si caadi ah u dhaqmayeen.

Sidoo kale waxay sheegeen in dadkaasi intooda badan ay cuduro kale horey u qabeen sida kaadi macaanka iyo dhiigkarka.

Soomaalida ku nool Sweden ayaa intooda badan degan guryo cirriiri ah, taasoo la sheegay iney sababtay in cudurkan uu ku dhex faafo.

Sweden ayaa haatan noqotay dalka ugu badan qaarada Yurub ee cudurka Coronavirus uu ku dilay Soomaalida, waxaana weli jira Soomaali la ildaran cudurkan oo jiifa goobaha caafimaadka dalalka Yurub, halka kuwo kalena ay ka bogsadeen cudurkan halista ah.

This website uses cookies to improve your experience. We'll assume you're ok with this, but you can opt-out if you wish. Accept Read More