Heemaal News Network
Soomaaliya

Soomaaliland Oo Mamnuucday Dukashada Salaada Ciida

Madaxweyne kuxigeenka Soomaaliland Cabdiraxmaan Maxamed Cabdullaahi Seylici ayaa shir guddoomiyey kulan ay yeesheen Guddiga wacyigelina iyo xakameynta Soomaaliland u qaabilsan Cudurk Coronavirus,kaas oo laga soos aaray Go’aamo ku saabsan Maalmaha Ciida.

Guddiga wacyi galinta iyo xakameynta cudurka Carnavirus ee maamulka Somaliland ayaa kulan ay yeesheen waxa ay ku go’aamiyeen in la mamnuuco in fagaarayaal salaada ciida lagu dukado sidoo kale xaflado waa weyn la dhigo.

Maamulka Somaliland ayaa sidoo kale joojiyay gaadiidka isku socodka dadka iyo gaadiidka aada gobolada dalka, waxaana sidoo kale maamulka ku amray milkiilayaasha goobaha caruurta ku cayaaraan loona dalxiis tago in aysan furin.

Guddiga wacyi galinta iyo xakameynta cudurka Caronavirus ee maamulka Somaliland ayaa shacabka ugu baaqay in ay ku ku sugnaadaan guryahooda si looga fogaado in uu sii faafo cudurka Caronavirus.

Go’aanadan kasoo baxay maamulka Somaliland ayaa kusoo aadaya xili dhawaan maamulkaasi fasaxay isticmaalka jaadka oo horey loo mamnuucay si uusan usii faafin cudurka Caronavirus.

This website uses cookies to improve your experience. We'll assume you're ok with this, but you can opt-out if you wish. Accept Read More