Trump Oo Markale Weerar Afka ah ku Qaaday Ilhaan Cumar.

Madaxweynaha dalka Mareykanka, Donald Trump ayaa markale weerar hor leh ku qaaday Ilhaan Cumar oo ka tirsan golaha Congresska dalkaasi, taas oo ay isku hayaan arrimaha siyaasadda iyo doorashooyinka ku soo food leh Mareykanka.

Trump ayaa sheegay inuu aqriyey wrbixinada Ilhaan Cumar ee labadii sano ugu dambeysay, islamarkaana ay ku jiraan qaladaad badan.

Sidoo kale wuxuu tilmaamay inay tahay Ilhaan qof musuq-maasuq badan, sida uu hadalka u dhigay.

Madaxweynaha Mareykanka ayaa sidoo kale intaasi ku daray inuu rajeynayo in arrintaasi uu soo faro-geliyo xeer ilaaliyaha guud ee dalkaasi.

“Maxaa ka khaldan Ilhaan Cumar? waxaan rajeynayaa in hawshan uu soo faragelin doono Xeer ilaaliyaha guud, Waxaan aqrinayay warbixinnadeeda muddo labo sano ah oo ku saabsan sida ay u musuqmaasuq badan tahay , Miyad rumaysanaysaan? Sidaas weliba ayay inoogu sheegeysaa sida dal loo maamulo? Waa maxay waxa ay samaysay qofkii ay reer Minnesota doorteen, maxaa baas ee idin ka khaldan dadyahow.” ayuu Trump.

Dagaalka siyaasadeed ee u dhexeeya madaxweyne Trump & Ilhaan Cumar oo ah gabar Soomaali ah oo ka tirsan aqalka wakiilada Mareykanka ayaa sii xoogeystay muddooyinkii u dambeeyey xilli Mareykanka uu isku diyaarinayo doorashooyin, waxaana Ilhaan jawaabtii ugu dambeysay ee ay ka bixisay hadallada Trump ugu u yeertay inuu yahay ‘cunsuri’.

Related posts

Zidan Oo Ku Goodiyey In Cinqaab Intan Ka Badan Marsiin Karayey Bacelona

Heemaal

Yahuudda Masar Oo Laga Mamnuucay Dabbaaldegyada Munaasibadaha Diiniga.

Heemaall

Xus Loogu Ducaynayay Dadkii Lagu Xasuuqay Qaraxii Zoobe Oo Lagu Qabtay Muqdisho.(Sawiro)

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy