Heemaal News Network
somali

Wararkii Ugu Danbeeyey Ee Doorashada Gudiga Gobolada Waqooyi Oo Maanta Dhacaysa

Magaalada Muqdisho ee caasimada dalka Soomaaliya waxaa maanta lagu wadaa inay ka dhacdo doorashada hoggaanka guddiga maamulaya doorashada xildhibaanada labada Aqal ee ka imaanaya gobollada waqooyi ama Somaliland.

Qaban qaabadii ugu dambeysay ee doorashada ayaa haatan socota, wuxaana guddiga hirgelinta doorashooyinka ee heer federaal uu soo saaray ogeysiis ku aadan qabashada doorashada hoggaanka guddiga gobollada waqooyi oo haatan labo garab u kala noqday.

Xubnaha guddiga ayaa waxaa soo kala dhex-galay khilaaf aad u xoogan, waxaana afarta xubnood ee uu soo magacaabay guddoomiyaha Aqalka Sare ay shaaciyeen in aysan ka qeyb-geli doonin doorashada maanta dhaceysa, illaa inay guddoonka u codeyaan sideed xubnood oo doorashada aysan ka qeyb gelin xubnaha uu Rooble soo magacaabay iyo in wadahadal iyo heshiis dibadda ah oo lagu dhammeeyo muranka jira doorashada ka hor.

Xaaladda ayaa aad u sii cakirmeysa, waxaana marba marka ka dambeysa kasii daraya khilaafka u dhexeeya labada dhinac ee ku aadan sida loo wajahaypo doorashada guddiga.

Lama oga sida ay wax noqon doonaan, balse saacadaha soo socda ayaa la kala ogaan doonaa inuu dhacayo is-bedal iyo in la guda-galo doorashada hogaanka gudiga Somaliland.

Sidoo kale arrimahan ayaa kusoo aadayo, iyada oo horey ra’iisul wasaaraha Soomaaliya uu uga noqday doorashadii hore ee hoggaanka guddigan, kadib markii ay cabasho xoogan ka keeneen garabka Cabdi Xaashi oo weli iyagu ku doodayo in aan xal loo helin tabashadooda.

Si kastaba khilaafkan ayaa uga sii daraya xaaladda siyaasadeed ee dalka, gaar ahaan arrimaha doorashooyinka, maadaama haatan la bilaabay doorashada Aqalka Sare.

Related posts

Gudida Doorashada Koonfur Galbeed Oo Ku Gacan Saydhay Hakinta Doorashada Kursigii Jawaari

Heemaall

Trump Oo Dawlada Nigeria ku Amaanay Talaabada ay ka Qaadatay Shirkada Twitter

Heemaall

Maayir ku xigeenka Gabilay Oo ku Biiray Garabkii kasoo Hor-jeeday Maayirka Eedayna Ujeediyay

Heemaall