Heemaal News Network
somali

Wasaarada Maaliyada Oo ka Jawaabtay Warbixintii Hanti Dhowraha Qaranka Somaliya

Wasaaradda Maaliyadda ee xukuumadda Federaalka Soomaaliya ayaa sheegtay inay ka jawaabi doonto warbixinta uu maanta soo saaray xafiiska Hanti dhowraha Qaranka.

Qoraal kooban oo ka soo baxay wasaaradda ayaa lagu yirri “Wasaaradda Maaliyaddu waxa ay la socotaa warbixinta Hanti-dhowrka Guud ee ku saabsan xisaab-xirka 2021-ka, ee uu sida tooska TV-yada uga sii daayay”

“Iyadoo la ixtiraamayo madax-bannaanida Xafiiska Hanti-dhowrka, Wasaaraddu waxa ay si qotto dheer u lafa-guridoontaa warbixinta Hanti-dhowraha Guud, iyada oo sida uga dhaqsiyaha badan Wasaaraddu ay ka soo saari doonto jawaabta ku habboon” ayaa lagu yiri war qoraal ah oo ka so baxay wasaaradda maaliyadda.

Hanti-dhowraha guud ee Soomaaliya ayaa daabacay warbixin sannadeedka 2021 ee xaaladda maaliyadeed ee dawladda Soomaaliya.

Warbixintan hanti-dhowraha ayey ka muuqdaan khaladaad dhinaca maaraynta kharashaadka dawladda, qandaraasyada, iyo maamulka lacagaha soo galaya iyo kuwa ka baxaya, iyo weliba kabka miisaaniyadda.

Hanti-dhowraha ayaa sheegay in wasaaradda maaliyadda ay sanadkii 2021 lacag dhan $96,365,574 iyo dul-saarka daymeed oo dhan $14,605,118 ka daynsatay Bankiga Dhexe ee Somaaliya iyo Hay’adda Lacagta Adduunka ee IMF, iyadoo amaahdas ay u baahnayd inuu baarlamaanku ansixiyo, hanti-dhowrku aanu arkin isla markaana aan la siinin wax caddaymo ah oo muujinaya in amaahdaas uu baarlamaanku oggolaaday, ama heshiisyada amaahda ee la galay.

Related posts

M/Biixi Oo Furay Shir Caalami ah Oo Markii Ugu Horeesay Lagu Qabtay Geeska Afrika.(Sawiro)

Heemaall

New Zealand Oo Laga Xusay Maalin Muslinka La Xasuuqay

Heemaall

Maamulka Galmudug Oo Amar Adag Dul-dhigtay Magaalada Guriceel.

Heemaall