Heemaal News Network

Wasiirka Uu sodogga U Yahay Erdogan Mxuu Isku Casilay?

Wiilka uu sodogga u yahay madaxweynaha Turkiga Recep Tayyip Erdogan ayaa Axadii iska casilay xilka wasiirka maaliyadda, isaga oo bayaan uu soo dhigay bartiisa Instagram ku sheegay sababo caafimaad.

“Kadib markii aan muddo shan sano ah hayey xilal wasiiro, waxaan qaatay go’aan ah inaan sii wadin xilka wasiirka maaliyadda sababo caafimaad dartood,” ayuu yiri Berat Albayrak.

Albayrak ayaa sheegay inuu waqti dheeri ah la qaadan doono qoyskiisa oo uu sheegay “inuu dayacay”, sida ku xusan bayaanka.

Albayrak, oo 42 jir ah, ayaa qaba gabadha weyn ee Erdogan oo lagu magacaabo Esra, wuxuuna wasiirka maaliyadda ahaa tan iyo 2018. Waxa uu kahor ahaa wasiirka tamarta intii u dhaxeysay 2015 iyo 2018.

Ma cadda in madaxweyne Erdogan uu aqbali doono is-casilaadda.

Markii wasiirka arrimaha gudaha Suleyman Soylu uu is-casilay horraantii sanadkan, Erdogan ayaa diiday inuu aqbalo, waxaana Soylu uu illaa maanta hayaa xilkaas.

Is-casilaadda Albayrak ayaa timid maalin kadib markii Erodgan uu xilka ka qaaday guddoomiyihii Bankiga Dhexe Murat Uysal, kadib markii lacagta dalkaas ee Lira ay luimsay 30 qiimaheeda marka loo eego Dollar-ka, tan iyo billowgii sanadkan.

Waxaa xilkaas loo magacaabay wasiirkii hore ee maaliyadda Naci Agbal.

Warbaahinta Turkiga qaarkeed ayaa werisay in Albayrak uu isku casilay sababo la xiriira go’aanka lagu magacaabay Agbal.

AFP

Related posts

Madaxweynaha Peru Ee Xilka Hayey Muddo Todobaad ah Oo Is-casilay.

Heemaall

Mulkiilaha Xisbiga Wadani Oo si Wayn Loogu soo Dhaweeyay Hargaysa.

Heemaall

Dawlada Somaliya Oo Beenisay in Xubno ka Tirsan NISA ay ku Dartay Guddiyada Doorashooyinka.

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More