Weriye Ruush ah Oo Is-gubtay Markii Booliisku Baareen Gurigeeda.

Suxufiyad Ruush ah ayaa dhimatay jimcihii kadib markii ay isku gubtay magaalada Nizhny Novgorod, maalin kadib markii guri ay deganaayeen ay booliisku baareen.

Irina Slavina kahor intaysan is gubin waxay barteeda Facebook ku soo qortay: “Waxaan kaa codsanayaa inaad ku eedeysaa Xiriirka Ruushka geeridayda.”

Waxay ka shaqeyn jirtay tafatiraha guud ee Koza Press, oo ah warbaahin yar oo maxalli ah oo xayeysiisa iyada oo aan lahayn “faaf-reeb, amarro ‘ka imanaya xagga sare”.

Maalin ka hor dhimashadeeda, waxay ku qortay Facebook inay askarta bilayska iyo baarayaashu baareen gurigeeda, iyagoo qoray inay raadinayaan “waraaqo iyo xisaab” ka socda kooxda mucaaradka ah ee Open Russia, oo ay maalgeliso dhaleeceynta Kremlin-ka Mikhail Khodorkovsky.

Waxay sheegtay inay gacanta ku dhigeen buugaag xusuus qor ah, laptop-keeda iyo qalab kale oo elektiroonig ah, iyo sidoo kale laptop-ka gabadheeda iyo taleefanka gacanta ee ninkeeda.

Guddiga baaritaanka ee Ruushka ayaa sheegay inay furayaan baaritaan hordhac ah kadib markii haweeney iskeed isku gubtay magaalada Nizhny Novgorod, oo ah magaalo ay ku nool yihiin 1.3 milyan oo kudhowaad 400 kiilomitir (250 mayl) bariga magaalada Moscow.

Related posts

Zidan Oo Ku Goodiyey In Cinqaab Intan Ka Badan Marsiin Karayey Bacelona

Heemaal

Yahuudda Masar Oo Laga Mamnuucay Dabbaaldegyada Munaasibadaha Diiniga.

Heemaall

Xus Loogu Ducaynayay Dadkii Lagu Xasuuqay Qaraxii Zoobe Oo Lagu Qabtay Muqdisho.(Sawiro)

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy