Heemaal News Network

Xeer Ilaaliyaha Itoobiya Oo Amray in Lasoo Xiro 167 Qof Oo lala Xiriiriyay Dagaalka Tigrey.

Xeer ilaaliyaha guud ee dowladda federaalka ee Itoobiya ayaa amar ku bixiyay in lasoo xiro 167 qof oo lala xiriirinayo dagaalka ka taagan gobolka Tigray.

Bayaan kasoo baxay xeer ilaaliyaha ayaa lagu sheegay in TPLF ay wadaan dambi halis ah sida ku xusan sharciga la dagaallanka dambiyada dalka.

Wuxuu sheegay in weerarka lagu qaaday ciidamada xoogga dalka uu ahaa tallaabo dambi ah oo la doonayay in ‘lagu wiiqo awoodda difaaca ee dowladda’

Xeer ilaaliyaha federaalka Gedion Timothewo wuxuu ku tilmaamay gantaalladii lagu garaacay gobolka Amxaarada inay ahaayeen falal argagixiso.

Waxaa Arbacada ku eg saddexdii maalmood ee loo qabtay inay isku soo dhiibaan xoggaga TPLF iyo madaxdooda.

Hoggaamiyaha TPLF waxaa kale uu sheegay shacabkiisu iney diyaar u yihiin iney u dhintaan difaacidda xuquuqda ay u leeyihiin iney deegaankooda iyagu maamulaan.

Abiy Axmed xoogagga TPLF wuxuu ugu baaqay “iney si nabad ah iisu soo dhiibaan”, shacabka magaalada Maqale wuxuu ugu baaqay iney taageeraan xoogagga dowladda si kooxda uu ku sheegay burcadda ee deegaanka Tigraay isku uruursaday caddaaladda loo horgeeyo”.
Xigasho BBC

Related posts

Imaaraadka Oo Dhaqaalihii Uu ku Taageerayay Falastiin ka Jaray.

Heemaall

Wasiirkii Maaliyada Austria Ee Lagu Eedeyay Musuqa Oo 8 Sano Oo Xabsi ah Lagu Xakumay.

Heemaall

Wafdi ka Socda Qaramada Midoobay Oo ku Wajahan Magaalada Hargeysa.

Heemaall

This website uses cookies to improve your experience. We'll assume you're ok with this, but you can opt-out if you wish. Accept Read More