Heemaal News Network
somali

Xoghayaha QM Antonio Guterres Oo Dacwad ka Gudbiyay Dalal ay kujirto Somaliya

Sida ay qortay Wakaaladda Wararka ee AP Xoghayaha guud ee Qaramada Midoobay Antonio Guterres ayaa madaxweynaha golaha loo dhan-yahay ee QM wuxuu uu u diray qoraal liddi ku ah wadamo ay ku jirto Soomaaliya.

Qoraalka Antonio Guterres oo la sii marsiiyay Volkan Bozkir ayaa lagu sheegay in Soomaaliya, Comoros, iyo Sao Tome ay wayn doonan xuquuqdooda cod-bixinta sababo ku aadan in aysan dhameystirneyn qoondadooda miisaaniyada UN-ka.

Hayeeshee Antonio Guterres uu sheegay in goluhu uu soo saaray qaraar sheegaya inay wali ka codayn karaan kalfadhiga Hadda socda oo ku eg bisha Sebtember ee sanadkan 2021.

Dalalka Iran iyo Jamhuuriyadda Afrikada Dhexe ayaa kamid ah dalalka lagu leeyahay qoondad miisaaniyadda hawlgalka ee Qaramada

Midoobay, waxaana la sheegay inay dhankooda lumin doonaan xuquuqdooda codbixinta ee Golaha Guud ee 193-ka xubnood.

Axdiga Qarammada Midoobay ayaa dhigaya in xubnaha deyntoodu ay le’eg tahay ama ka badato xaddiga tabarucaadkooda labadii sano ee ka horreysay ay lumiyeen xuquuqdooda codbixinta, sida lagu sheegay qoraalka uu gudbiyay Xoghayaha guud ee Qaramada Midoobay Antonio Guterres.

Sida lagu sheegay warqadda uu gudbiyay xoghayaha guud ee QM lacagaha ugu yar ee loo baahan yahay si loo soo celiyo xuquuqda codbixinta ayaa gaareysa $ 16,251,298 oo Iran laga doonayo iyo $ 29,395 oo ah Jamhuuriyadda Afrikada Dhexe.

Soomaaliya ayaa laga doonayaa inay bixiso lacag dhan $1443,640 si aysan u waayin xuquuqdeeda codbixinta wixii ka dambeeya bisha soo aadan ee September, halka Comoros laga rabo bixiso $ 871,632, Sao Tome and Principe $829,888, sidaagu sheegay Qoraalka Xoghayaha Guud ee QM

Related posts

Madaxwayne Biixi Oo Ka Hadlay Shir Looga Hadlayay Xaalada Caafimaad Ee Somaliland

Heemaall

Golaha Iskaashiga Khaliijka Oo soo Dhaweeyay Go’aankii Somaliya Iyo Kenya

Heemaall

Axmed Madoobe Oo Xilkii Ka Qaaday Saraakiishii Amniga U Qaabilsanayd

Heemaal