HNN: Wasiirka arrimaha dibadda ee Iran, Ali Bagheri Araghchi, ayaa si kulul uga jawaabay qoraal uu madaxweynaha Faransiiska, Emmanuel Macron, ku daabacay X (horey Twitter ahaan loo yaqaanay), kaasoo Macron ku baaqay in la joojiyo weerarrada lagu qaado kaabayaasha rayidka ah.
Araghchi ayaa qoraalkiisa ku sheegay in Macron aanu hal eray ka oran ciqaabta Maraykanka iyo Israa’iil ee weerarradii lagu qaaday Iran, gaar ahaan markii Israa’iil qarxisay bakhaar shidaal oo ku yaalla Tehran, taasoo malaayiin qof u keentay halis caafimaad oo ka dhalatay sunta iyo wasakheynta deegaanka. “Macron ma uu cambaareyn Israel markii ay qarxisay kaydka shidaalka ee Tehran. Wuxuu kaliya muujiyay ‘walwal’ hadda kadib markii aan jawaab celin u sameynay,” ayuu yiri Araghchi, isaga oo arrintan ku tilmaamay mid murugo leh.
Macron has not uttered one word of condemnation of the Israel-US war on Iran. He did not condemn Israel when it blew up fuel storage in Tehran, exposing millions to toxins. His current “concern” didn’t follow Israel’s attack on our gas facilities. It follows our retaliation. Sad! https://t.co/lyfGbRm9NB
— Seyed Abbas Araghchi (@araghchi) March 19, 2026
Wasiirka arrimaha dibadda ee Iran ayaa arrintan ku fasiray sida cadaadis siyaasadeed oo dhinaca reer galbeedka ah, isagoo sheegay in mowqifka Macron uu yahay mid aan dhexdhexaad ahayn, isla markaana aan ka tarjumayn xaqiiqda weerarrada ka dhan ah kaabayaasha muhiimka ah ee Iran. Waxa uu carabka ku adkeeyay in tallaabooyinka Iran ay ku falcelisay weerarrada hore ay ahaayeen kuwo ka jawaabaya falal halis geliyay amniga iyo nolosha shacabka.
Dhaleeceyntan ayaa ka tarjumaysa xiisadaha sii kordhaya ee u dhexeeya Tehran iyo quwadaha reer galbeedka, gaar ahaan ka dib weerarrada lagu bartilmaameedsaday kaabayaasha gaaska iyo shidaalka, kuwaasoo saameyn toos ah ku yeeshay amniga gudaha iyo dhaqaalaha Iran. Araghchi ayaa sidoo kale digniin u diray in haddii falalka Maraykanka iyo Israa’iil aan la joojin, falalka ka soo horjeedka Iran ay sii socon doonaan.
Hadallada Araghchi waxay muujinayaan sida Iran ay uga xun tahay waxa ay u aragto cadaadis iyo laba wajiil siyaasadeed oo ka imaanaya qaar ka mid ah madaxda reer galbeedka, islamarkaana waxay caddeynayaan inay Tehran diyaar u tahay inay difaacdo kaabayaasha muhiimka ah ee dalka, iyada oo aan loo eegin dhaleeceynta caalamiga ah.
Heemaal News Network